عشقتها حد الجنون للكاتبة ( سها محمد )

الفصل التاسع عشر

اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

====================================================

ساره : خطة ايه دى

رودى : هقولك بصى انا اعمل كل الحاجات اللي بتستفزه والحاجات اللى بتخليه يغير عليا وهو مش هيستحمل وهيجى يزعقلى وبكدا يكون بدأ معايا بالكلام وانا احاول اصالحه بقى

ساره : ايوة يعنى هتعملى ايه

رودى : ابسط حاجة هعملها إني هلبس قصير او مفتوح وهو هيتجنن مش هيقدر يشوف حد تانى شايفنى باللبس ده ولو ما اثرش فيه هروح اكلم ولاد كريم مثلا او اى حد دا هيجننه برده واكيد هيبدأ معايا بالكلام ولو ما اثرش فيه هاعمل اى حاجة بقى المهم انى اجننه

ساره : بس فى حاجة انتى مش واخدة بالك منها

رودى : ايه هى

ساره : ان الفستان اللى انتى جايباه تحضرى بيه الخطوبة طويل مش هينفع تنفذى خطتك بيه

رودى : عادى هلبس اى فستان قصير من عندى انا عندى فساتين كتير ما لبستهاش

ساره : ازاى دا انتى جايبه الفستان دا مخصوص من باريس علشان تحضرى بيه الخطوبة هتتنازلى عنه بسهولة كدا

رودى : ايوة انا المهم عندى انى اصالح ايهم بأى شكل مش مهم بقى فستان او اى حاجة تانية المهم ان هو يقبل يسامحنى لان انا زعلانة اوى من الكلام اللي قولتهوله

ساره : اوك بس نصيحة اخيرة ان كلمتى ولاد علشان تستفزيه بلاش تكلمى كريم

رودى : ليه بقى

ساره : كريم دا انا ما بقبلهوش

رودى : ليه بس دا كريم طيب خالص ولذيذ مووت

ساره : المظاهر خداعة يا رودى كريم مش طيب زى ما انتى بتقولى

رودى : ليه بتقولى كدا يا ساره هو عمل حاجة انا ما اعرفهاش

ساره : لا انا بحس بكدا بس يلا بقى اسيبك انا واروح اجهز وانتى كمان اجهزى

رودى : حاضر

===============================================================

ايهم دخل الجناح وكانت رودى قاعدة

رودى في نفسها : ايه دا ايه اللى جابه دلوقت انا مش جاهزة اصالحه دلوقت انا كنت فاكره انى هشوفه بالليل في الخطوبة طب انا ابدأ معاه كلام دلوقت ازاى طب هو ما كلمنيش واتجاهلنى يعنى المفروض انا اللي ابدأ كلام معاه هو ايه اللى جابه دلوقت ياربى طب اتكلم اقول ايه ايه ده دا جاى ناحيتى معقول هيبدأ هو الكلام معايا

ايهم : رودى

رودى : نعم

ايهم : اعملى حسابك انك من النهاردة هتعيشى مع طنط حنين في فيلتكو