عشقتها حد الجنون للكاتبة ( سها محمد )

الفصل التاسع

= اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

=======

في المطعم الذى يسهرون به

كانت رودى ترمق ريناد بغيظ فهي مازالت متغاظة منها ومش متقبلاها
ايهم يهمس لرودى : بطلى تبصيلها كدا
رودى : هي مين دى
ايهم : بقى مش عارفة هي مين اللي عنيكي عاملة زي الرصاص عليها
رودى : انا مش عيني عليها ولا حاجة وبعدين هي ايه اللي جايبها معانا وكمان حضرتك عايزها تيجي تعيش معانا هي مش دينا توفت خلاص المفروض نقطع علاقتنا بيها بقى
ايهم : رودى انا قولتلك قبل كدا ان ريناد زي اختي الصغيرة وانا عمري ما هسيبها ابدا تعيش لوحدها تاني
رودى كانت تهم بالرد ولكن قاطعها
مازن وهو يقول : ايه يا عرسان عمالين تتودودو في ايه طب استنو اما تروحو ابقى اتغزلو في بعض براحتكو يعنى مش قادرين تستحملو الساعتين اللي قاعدينهم معانا
ايهم : خف علينا يا مازن شوية مش وقت ظرافتك وخفة دمك
مازن : خلاص يا عم انا اقوم ارقص انا وريناد و اتغزل فيها براحتي يلا يا رينو
ريناد قامت مع مازن يرقصو وهي مكسوفة 
رودى في سرها : حتى انت يا مازن ست ريناد هانم كلت عقلك
قاطعها صوت ايهم وهو بيقول : تعالي يا رودى احنا كمان نرقص يلا
قامت رودى ترقص مع ايهم وكانت نظراتها له كلها غيظ وهو كان بيقابل هذه النظرات بنظرات برود غاظت رودى اكتر
هادى : اشمعنا انا يعني هي جات عليا يلا يا سوسو يا عسل انتي تعالى ارقصي معايا
ساره : لا مش بارقص
هادى : يا بت يلا ما يبقاش دمك تقيل
ساره : قولت لا
هادى : اوك اسيبك انا بقى
ساره : رايح فين
هادى : رايح اشوفلي واحدة حلوة كدا في المطعم ترقص معايا
ساره قامت بسرعة وتشبثت بذراعه : يلا يا هادى انا قررت اتنازل وارقص معاك
هادى : لا يا ستى انا ما يرضنيش انك تتنازلى علشانى روحى اقعدي وانا هاشوفلي واحدة ارقص معاها
ساره بزعيق : قولت يلا
هادى : يلا يا اختى بتزعقي ليه انتي قطعتيلي الخلف
ساره : لا يا شيخ
هادي : اه يا شيخ
ساره : شيخ في عينك اتلم
هادى : طب ما تلميني انتي
ساره : هاديييى
هادى : خلاص خلاص يلا نرقص
واخدها هادي واتجهو يرقصو هما كمان

================================================================
امام فيلا احمد الشناوى

كانت سالى تحدث نفسها بصدمة : معقولة دي ريناد اخت دينا دي تبقي مصيبة سودا لا يارب ما تكونش هي يارب التاريخ مش لازم يعيد نفسه لا ان كانت هي انا لازم اتصرف مش لازم اسيبها تتعمق وتاخد مني مازن دا مازن هو اللي فاضل في العيلة دى زمان اختها خدت ايهم منى وحتى بعد ما ماتت خلاه متعقد ومش راضي يحب لا مش لازم دى هي كمان تاخد مازن انا لازم اتصرف وابعدهم عن بعض في اسرع وقت لازم اعمل حاجة مش هسكت ابدا لا لا مش هاسكت مش هشوف مستقبلى بيضيع قدامي واسكت انا لازم اعمل حاجة طب يا ربي اعمل ايه اعمل ايه لا انا لازم اقعدلها قاعدة كدا مخصوص وادبرلها مصيبة تبعد مازن عنها انا مش هاقعد اتفرج كدا عليهم لحد اما الاقيه عايز يخطبها ويتجوزها لازم اتصرف من دلوقت قبل ما يحبها لازم اتصرف انا ادخل دلوقت اسلم على خالتو واحاول اسألها مين ريناد دى واجمع معلومات عنها علشان اعرف اتصرف في اقرب وقت