عشقتها حد الجنون للكاتبة ( سها محمد )

الفصل التاسع و العشرون

اللهم صلي وسلم وبارك على سيدنا محمد وعلى آله وصحبه أجمعين

========================================================================

ايهم وهو يجر رودي : اتفضلي قدامي دا انتي ليلتك بيضا عاللي انتي عملتيه مع نور وقلة ادبك دي هعرف اوقفها عند حدها

رودى بغيظ : سيبني انت بتشدني ليه انا بعرف امشي لوحدي على فكرة

ايهم بزعيق : اخرسي صوتك دا ما اسمعهوش لحد ما نوصل الفندق والا انا مش مسؤول عن رد فعلي

رودى : لا مش هخرس انا مش جارية عندك علشان تجرني كدا وتزعقلي بالطريقة دي

ايهم : انا الظاهر اني دلعتك زيادة عن اللزوم بس ملحوقة زي مدلعتك هعرف اظبطك علشان انتي خلاص معدتيش بتعملي حساب لا لكبير ولا لصغير

قاطعهم صوت ساره من وراهم : ايهم ايهم رودي

ايهم : ايوة يا ساره

ساره : انتو طالعين دلوقت

ايهم : ايوة يا ساره عايزة حاجة

ساره : لا بس انت ماسك رودى كدا ليه

رودى : ساره خليه يسيبني

ساره : سيبها يا ايهم انت ماسكها كدا ليه

ايهم : متخافيش يا ساره انا بس هاخدها اوضتي اتكلم معاها شوية في موضوع استمتعي انتي

رودى : وانا مش عايزة اطلع معاك انا عايزة اخليني مع ساره

ايهم : انتي تخرسي خالص

ساره : ايهم سيبها انت بتزعقلها ليه

ايهم : ساره قولتلك ما تخافيش يلا باي اشوفك وقت تاني

ساره : يا ايهم استنى بس

ايهم مردش عليها وخد رودي وطلع على اوضته

رودي بزعيق : انت ازاي تجرني كدا قدام الناس خليت منظري زباله قدامهم

ايهم : انتي ليكي عين تتكلمي بعد اللي عملتيه مع نور

رودى : عملت ايه مع البرنسيسة نور اللي انت خايف على زعلها اوي كدا اكيد دي اللي انت بتحبها وعايز تتجوزها

ايهم بزهول : انتي بتخرفي تقولي ايه انتي واعية لكلامك انتي عارفة كويس اوي اني مبحبش حد

رودى : اه واعية لكلامي اكيد دي اللي بتحبها علشان كدا قولتلها ان انا بنت عمك ما قولتلهاش اني مراتك واما انا قولتلها جيت انت قايلها ان احنا هنتطلق يبقى بتحبها ولا ما بتحبهاش يا استاذ ايهم ومش عايزها تعرف انك اتجوزت

ايهم : انتي اتهبلتي في مخك ولا انتي بتستعبطي انتي اللي غلطانة وجايه دلوقت تتهميني وتطلعيني انا اللي غلطان

رودى : ما تغيرش الموضوع وقولي بتحبها ولا لا

ايهم : نور دي اختي وبنتي وصاحبتي وكل حاجة حلوة في حياتي طول عمري بعتبرها اختي ومش هسمحلك انك تإذيها حتى لو بالكلام علشان لو فكرتي بس انك تزعليها هتشوفي مني وش عمرك ما شوفتيه