عشقتها حد الجنون للكاتبة ( سها محمد )

الفصل العشرون

اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

===============================================≠====

الظابط : دى فيلا احمد الشناوي

احمد : ايوة

الظابط : معايا امر بالقبض على انسة ريناد

مازن : ريناد ايه اللى مطلوب القبض عليها اكيد حضرتك غلطان

الظابط : لا هى دى اتفضلو اقبضو عليها

ريناد : انا ما عملتش حاجة مازن هما واخدينى ليه

مازن : ما تقلقيش انا مش هسيبك

ايهم : ما تقلقيش يا ريناد انا هطمن على رودى واجيلك علطول

احمد : ممكن نعرف هي عملت ايه

الظابط : هتعرفو في القسم يلا هاتوها

مازن : استنو انا هجيبها معايا في عربيتى

الظابط : ما ينفعش

ايهم : لا ينفع واظن انت عارف احنا مين كويس ونقدر بتليفون واحد نخليه ينفع

الظابط : طب بس امشو قدامنا

ايهم : روح معاها يا مازن انت وبابا وهادى وانا هطمن على رودى واجيلكو

مازن : حاضر

ايهم : ريناد انا مش عايزك تخافي يا حبيبتي احنا كلنا معاكي ومش هنسيبك ابدا

ريناد اومأت برأسها ايجاب ودموعها نازلة على خدها

=============================================================

في الجناح عند ايهم و رودى

ايهم : ساره هاتى برفيوم علشان افوقها

ساره بدموع : حاضر

ايهم : ساره اهدى ان شاء الله ريناد هتخرج اكيد في سوء تفاهم

ساره : حاضر

ايهم اخد البرفيوم وفوق رودى

رودى : ااه انا فين

ايهم : حمدالله على سلامتك

رودى : هو ايه اللى حصل

ايهم : مفيش وقعتى اغمى عليكي اكيد ما بتاكليش كالعادة

رودى : لا انا كنت متضايفة شوية بس

ايهم : ايه اللى كان مضايقك

رودى : مفيش

ايهم : طب انا رايح مشوار وساره هتقعد معاكى تاخد بالها منك

رودى : انت هتسيبنى لوحدى وانا تعبانة

ايهم : مشوار صغير بس وهجيلك

رودى : ايهم ما تسيبنيش لوحدى

ايهم راح قعد جمبها وحضنها : متخافيش انا هحاول ما اتأخرش عليكى بس صدقينى دا مشوار ضرورى ولازم اروحه