اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام
======================================================
ايهم : الو
صوت انثى تصرخ : الحقنى يا ايهم
ايهم انتفض : ايه في ايه
حنين : عمك محمد وقع على الأرض وحاولت افوقه كتير مش راضي يفوق ومش عارفة اعمل ايه
ايهم : خلى واحد من الحرس يشيله يحطه عالسرير وانا هتطلب الاسعاف و جايلك حالا
ايهم قفل معاها وطلب الاسعاف وراح علشان يلبس
رودى قامت راحت وراه غرفة الملابس : انت كنت بتكلم مين ومين تعبان
ايهم : مفيش يا رودى روحى كملى نوم
رودى : ايوة يعني مين تعبان
ايهم : رودى انا مش ناقصك انتى شايفانى في ايه ولا في ايه
رودى زعلت و طلعت وبعدين شافت تليفونه راحت شافت مين اللي كان بيكلمه
رودى بصدمة : ماما ماما هي اللي بتكلمه
ايهم خرج لقاها ماسكة التليفون و مصدومة
رودى : ماما هي اللي بتكلمك واكيد بابا هو اللي تعبان صح ولا أنا غلطانه
ايهم : اهدى يا رودى
رودى سابته وطلعت تجرى على فيلتهم وايهم طلع يجرى وراها
رودى وهي بترن جرس فيلتهم : باباااا يا باباااا
الخدامة فتحت لها الباب رودى زقتها وطلعت تجرى على اوضة باباها و مامتها وفتحتها و لقت مامتها بتعيط وباباها نايم عالسرير راحت تحضنه و تهز فيه : بابا رد عليا يا بابا انت تعبان مالك يا حبيبي ماما هو ماله خليه يرد عليا هو ليه مابيردش عليا هو زعلان منى
ايهم دخل وراح عندها و شدها : اوعى يا رودى انتى بتعملى ايه انتي كدا بتتعبيه
وبعدين ايهم شال عمه ونزل بيه تحت لقى الاسعاف وصلت فركبه عربية الاسعاف و حنين ركبت معاه و هو و رودى راحو وراهم بالعربية
وصلو المستشفى و دخلوه العمليات
ايهم اتصل بباباه وقاله وكلهم راحو المستشفى
الدكتور لسه ما خرجش وهما مستنين على اعصابهم
رودى قاعدة تعيط و ساره و ريناد بيهدو فيها
حنين قاعدة تقرا قرآن و تدعيله
ايهم موت مامته في باله فالموقف يتعاد مرة اخرى ولكن مع عمه
احمد حاسس ان رجله مش شايلاه ف ان فقده سوف يكون فقد اعز اتنين على قلبه مراته و اخوه
الدكتور خرج كلهم اتجهو اليه
رودى : بابا عامل ايه يا دكتور لو سمحت طمنى
الدكتور : اهدى يا انسة هو تحت الملاحظة وان شاء الله ربنا يشفيه بس هو في حالة متأخرة ليه ما بدأش كيماوى المفروض يكون بدأ ياخد كيماوى و كان عمل عملية كمان انتو ليه اهملتوه كدا
رودى : حالة متأخرة ايه و كيماوي ايه انت هتستعبط انت اكيد بتتكلم على واحد تانى انا بسألك على بابايا اللي الاسعاف لسه جايباه دلوقت ودخلوه الاوضة دى
الدكتور : ايوة ما انا بتكلم عليه
رودى : انت بتقول ايه انت كداب
ايهم : اهدي يا رودى ما ينفعش كدا
رودى بصتله : انت مش مصدوم انت كنت عارف انت كنت عارف صح رد عليا
ايهم : رودى اهدى ما ينفعش كدا
رودى بانهيار : لا مش هاهدى انت ازاى ما تقوليش انت كنت عارف انتو كلكو كنتو عارفين وما قولتوليش
ايهم : لا محدش يعرف غيرى انا و طنط حنين و بابا
رودى بصت لمامتها : انتى كنتى عارفة و ما قولتيليش انتى كمان يا ماما انا اثق في مين بعد كدا انتو كلكو خاينين انا بكرهكو كلكو انا مش عايزة اعرفكو تانى انا بكرهكو بكرهكو
حنين : اهدى يا حبيبتى احنا ما قولنلكيش علشان خايفين عليكى
رودى : انتو كدابين انتو ما بتفكروش فيا انتو بتفكرو في نفسكو بس انا بكرهكو كلكو بكرهكو
ايهم حضنها وقعد يطبطب عليها ويبوس راسها
رودى وهي تبعده عنها : سيبني ابعد عنى انا مش عايزاك في حياتى انت كداب وانا بكرهك
ايهم فضل حاضنها ومش راضي يسيبها لحد ما تهدى
أنت تقرأ
عشقتها حد الجنون للكاتبة ( سها محمد )
Romanceجاد دلوعة متعجرف طيبة يعتبرها اخته الصغيرة فهو يكبرها بسنين كتير ولكن القدر يلعب لعبته مع أيهم و رودى ويحول علاقتهم من اخوات الى ازواج الى وصية الى وريث الى غيرة الى حب الى اعتراف
