عشقتها حد الجنون للكاتبة ( سها محمد )

الفصل السادس و العشرون

اللهم صلي وسلم وبارك على سيدنا محمد وعلى آله وصحبه أجمعين

================≠=≠======================≠====================

في شقة احمد و ريم

ريم : ايه ده يا بيبي انت جيت اول مرة يعني تيجي بالليل ايه ما خفتش لحد من عيالك ياخد باله

أحمد ضربها بالقلم : انتي ليكي عين تتكلمي بعد اللي عملتيه يا زباله

ريم : انت بتضربني ليه عملت ايه يعني هو ده اللي كان لازم يحصل من زمان انا مش هخليني طول عمري متجوزاك في الضلمة انا من حقي اعيش زي اي واحدة ما بتعيش مع جوزها

احمد : مش لما نبقى متجوزين زي الناس ابقى اعيشك زيهم انتي ناسية انا متجوزك ليه لو ناسية افكرك اصل انتي باين عليكي بتحبي الاهانة

ريم : لا ما بحبهاش بس مش ذنبي انت ليه واخدني بذنبه انا ما عملتش حاجة انا زي زيك انا مظلومة في الموضوع ده ويمكن انا اكون مظلومة اكتر منك

أحمد : انا ما خدتكيش بذنب حد ولا عمري فكرت فيكي انتي وهو اللي وقعتوني في المصيبة دي

ريم : هو اللي اجبرني زي ما اجبرك

أحمد : والله دا كله مش مشكلتي المفروض كنت اتخلى عنك لكن معيشك احسن عيشة في بيت لوحدك متكفل بكل مصاريفك ومش مخليكي محتاجة حاجة وكان شرطي انك تبعدي عن ولادي صح ولا أنا غلطان بتتصرفي ليه بقى من دماغك هو انا مش محذرك

ريم : انا قولت انهم اما يعرفو حياتنا هتبقى احلى ونقدر نعيش حياتنا براحتنا ونروح ونيجي مع بعض انا عايزة احس اني متجوزة بجد عايزة اعيش حياتي بالطريقة اللي انا عايزاها مش عايزة احس اني مجبرة اعمل كدا

أحمد : دي كانت شروطي من الأول وانتي وافقتي عليها

ريم : انت عارف كويس ان انا ما وافقتش وان انا مجبرة علي الجواز زيك بالظبط فبما اننا احنا الاتنين مجبرين نتفق مع بعض ونريح بعض

احمد : لا يا ريم انا عمري ما هتفق معاكي وما تنسيش انك كنتي متفقة معاه وانك مش مجبره ولا حاجة زي ما بتقولي انتي بس عايزة تعيشي في دور الضحية لكن انا مش هسمحلك انك تدمري عيالي ولا تيجي ناحيتهم كل الدنيا دي في كافة وعيالي في كافة واللي يجي ناحيتهم ما يكفنيش فيه موته اتمنى كلامي يكون وصلك

ريم : دا كله علشان عرفتهم ان احنا متجوزين محسسني ان اجرمت في حقهم او قتلت حد فيهم

احمد : ريم مش هكرر كلامي تاني عيالي خط أحمر ولو عايزانا نبقى كويسين مع بعض شيليهم من دماغك علشان ما اوركيش الوش التاني كلامي مفهوم

ريم : لا مش مفهوم انا مش عابدة عندك علشان تكلمني بالطريقة دي

أحمد : والله انتي اللي عملتي كدا انا كنت بعاملك كويس لكن بعد النهاردة خلاص هتشوفي معاملة تانية خالص علشان بعد كدا تبقى تعملي حاجة من دماغك