اللهم صلي وسلم وبارك على سيدنا محمد وعلى آله وصحبه أجمعين
==========================================================================
في الفيلا عند ايهم ورودى
ايهم ورودى كانو بيفطرو ورودى باصة في الاكل مكسوفة ترفع وشها وتبص لايهم
ايهم بضحك : ههههه يخربيت الكسوف هتخليكي مكسوفة مني كدا لحد امتى ومش راضية ترفعي وشك وتبصيلي
رودى بكسوف : احم انا مش مكسوفة ولا حاجة انا باكل بس
ايهم بمرح : مش مكسوفة برده دا انتي وشك احمر زي الطمطماية
رودى : انا وشي احمر علشان حرانه بس
ايهم : هعمل نفسي مصدقك ايه رأيك بقى نروح شهر عسل قصدي اسبوع عسل
رودى : فكرة حلوة بس الكلية وشغلك هنعمل ايه فيهم
ايهم : سيبك من دا كله انا عايز نقضي مع بعض اسبوع مش عايز حد غيرك معايا في الاسبوع ده انا وانتي وبس
رودى : هنروح فين
ايهم : المكان اللي تختاريه
رودى : بس اسبوع مش كتير تعالى نروح اسبوعين وفي الاجازة نبقى نروح تاني
ايهم : بدأنا طمع اهه مش كنتي لسه بتقولي الكلية وشغلك كل ده نستيه
رودى : الله مش انت قولتلي سيبك من كل ده
ايهم : بصي احنا نروح اسبوع دلوقت وبعدين نيجي نحضر فرح مازن وساره ونبقى نروح معاهم تاني شهر عسل
رودى : فكرة حلوة جدا
ايهم مسك ايديها وباسها : اوعدك حياتنا مع بعض تبقى كلها عسل وسعادة
رودى : وانا اوعدك هحاول اسعدك على قد ما اقدر
ايهم : كفايا وجودك معايا وفي حضني دا اكتر شي يسعدني
رودى بكسوف : واحدة واحدة عليا انا مش واخدة عالكلام الحلو ده ما تدنيش كله دفعة واحدة كدا لاقع منك ادهولي على مراحل
ايهم : هو انا كدا قولت كلام حلو دا انتي لسه ما شوفتيش حاجة تعالي تعالي
رودى : اجي فين
ايهم : تعالي اقولك شوية كلام حلو فوق
رودى طلعت تجري : لا ابدا ما يحصل
ايهم وهو بيجري وراها : تعالي بس هديكي حاجة حلوة
رودى : لا انت عمو الوحش اللي بتضحك عالبنات وتقولهم هديكو حاجة حلوة وتاخدهم في الاوضة الضلمة
ايهم : ههههههههه الله يخربيتك بتجيبي الكلام ده منين
رودى : من السوبر ماركت اشتريلك شوية
أنت تقرأ
عشقتها حد الجنون للكاتبة ( سها محمد )
Romanceجاد دلوعة متعجرف طيبة يعتبرها اخته الصغيرة فهو يكبرها بسنين كتير ولكن القدر يلعب لعبته مع أيهم و رودى ويحول علاقتهم من اخوات الى ازواج الى وصية الى وريث الى غيرة الى حب الى اعتراف
