عشقتها حد الجنون للكاتبة ( سها محمد )

الفصل الرابع والثلاثون

اللهم صلي وسلم وبارك على سيدنا محمد وعلى آله وصحبه أجمعين

========================================================================

في فيلا احمد الشناوي

احمد بسخرية : عايزة تقوليلي ايه

رودى : عايزة اقولك انك ما تفرحش اوي كدا وانت بتطردني من بيتك لان انا في ايدي اخليك تعلن افلاسك وكل حاجة تضيع من ايديك

احمد باستهزاء : ازاي بقى يا حلوة

رودى : انت ناسي وصية بابا الله يرحمه ان الاملاك دي كلها تتوزع على الجمعيات الخيرية الا في حالتين الحالة الاولى اني اخلف من ايهم الحالة التانية ان انا وايهم نفضل متجوزين سنتين يعني انا وايهم اللي في ايدينا دلوقت كل حاجة وانت ما تملكش اي حاجة لان كل الاملاك كانت باسم بابا

احمد : بس دا مش بابا يعني اصلا انا دلوقت المفروض اروح اطعن في الوصية دي واقول ان انتي متبنية

رودى : عادي جدا روح اطعن بس ما تنساش ان بابا هو اللي متبنيني وان هو اللي ماضي على عقد التبني يعني عارف وهو بيكتب الوصية هو بيكتبها لمين يعني مش هتستفاد اي حاجة

احمد : طب وانتي بتقوليلي الكلام ده ليه عايزاني اعمل ايه يعني اخاف منك مثلا واجي ابوس على ايدك واترجاكي دا بعدك

رودى : وانا ما قولتش كدا ولا عايزة حاجة انا بس بعرفك ان انت اصلا مش من حقك تخرجني برا البيت ده وانا اللي في ايدي كل حاجة بس انا هخرج من هنا بس مش علشان انت عايز كدا لا علشان انا عايزة كدا ومن قبل ما انت تقول انا كنت عايزة كدا بس ايهم وماما اللي اقنعوني اني اقعد

احمد : حلو اوي كلامك ده جاية تهزقيني في بيتي وابني واقف يتفرج عليكي

ايهم : رودى ما هزقتكش ولا حاجة يا بابا بالعكس هي كلامها صحيح

احمد : ايوة ما هي ضحكت عليك هي وحنين وخدوك في صفهم ومعدتش طايقلي كلمة وكل حاجة تطلعني غلطان

ايهم : بابا انا عمري ما طلعت حضرتك غلطان ولا كنت اجرأ لكن حضرتك من امبارح وانت متغير وكلامك متغير انا بجد مش قادر اصدق ان دا انت انا ورودى هنمشي من البيت واتمنى حضرتك تراجع نفسك

احمد : امشو ولا تغورو في داهية انت فاكر انك كدا بتهددني وتخليني ارجع في كلامي انت فاكرني هتحايل عليك تقعد ولا ايه

ايهم : محدش قالك تمسك فينا ولا تتحايل علينا احنا ماشيين يا بابا ونصيحة مني راجع نفسك قبل فوات الأوان

احمد : كله منك يا رودى انتي السبب في كل المصايب اللي بتحصلنا ودلوقت عايزة تبعدي ابني عني انتي ايه انتي مش بني ادمه انتي شيطانه

رودى : انا عملت ايه يا انكل انا السبب في المصايب ازاي انا عمري ما عملتلكو حاجة وابنك هيبعد عنك مش بسسبي لا بسبب كلامك وافعالك اللي انت قاعد تعملها من امبارح احنا بجد مش مصدقين ان انت بس فعلا الناس بتبان على حقيقتها وقت المصايب بيبان مين الحبيب ومين العدو