عشقتها حد الجنون للكاتبة ( سها محمد )

الفصل السادس والثلاثون

اللهم صلي وسلم وبارك على سيدنا محمد وعلى آله وصحبه أجمعين

=========================================================================

رودى : هو انت بتحبني بجد زي اختك

ايهم : ايوا انتي اختي الصغيرة وهتفضلي اختي الصغيرة الى الابد

رودى : ايه اللي انت بتقوله ده يعني انت ناوي تطلقني

ايهم : مش انتي عايزة تطلقي فانا هعملك اللي انتي عايزاه واطلقك بس اما نكملو السنتين علشان وصية عمو محمد

رودى : يعني انت هتطلقني بجد

ايهم : لو انتي عايزة هطلقك مش عايزة خلاص مش هطلقك هبقى اتجوز عليكي وخلاص

رودى : ايه الكلام اللي انت بتقوله ده انت كنت بتقولي انك مش هتطلقني وكمان ايه تتجوز عليا دي انا ما اسمحلكش ايهم هو انت بتحب واحدة تانية

ايهم : لا انا ما بحبش بس انتي بالنسبالي اختي الصغيرة وانا مش شايفك غير انك اختي

رودى : ايهم انت بتتكلم جد

ايهم : ايوا بتكلم جد وانا ههزر ليه ويلا بقى تصبحي على خير علشان هموت وانام

رودى : طب استنى هو انت بتحب نور

ايهم : نور لا طبعا دي صديقتي ودلوقت بتشتغل معايا في الشركة مش اكتر من كدا

رودى : انت شغلتها معاك في الشركة يعني هتبقو مع بعض كل يوم

ايهم : ايوا في اسئلة تانية انا عايز انام

رودى : لا خلاص مفيش اسئلة

ايهم : تصبحي على خير ياا  يا اختي الصغيرة

رودى ما ردتش عليه لانها متغاظة من كلامه

رودى اما ايهم مشي قعدت تكلم نفسها : يعني ايه يعني ايهم معدتش بيحبني وناوي يطلقني وقال ايه يتجوز عليا دا انا كنت موته بس ازاي انا كنت بحس انه بيحبني وكان بيزعل لما بجيب سيرة الطلاق او سيرة انه زي اخويا ايه اللي غيره طب وانا زعلانة ليه لا انا مش زعلانة بس انا عايزاه يكون بيحبني انا وبعد ما يحبني هتحبيه انتي كمان لا طبعا مش هحبه انا بحبه زي اخويا بس انا ليه غيرانه عليه علشان بحبه ايوا انا بحبه ومش هستسلم الا اما هو كمان يحبني ويعترفلي بحبه

==========================================================================

في اوضة ايهم

ايهم في نفسه : والله وهتولع الغبية بتحبني بس بتكابر مع نفسها بس انا وانتي والزمن طويل يا رودى اما خليتك تعترفيلي بحبك ما ابقاش انا ايهم يعني انتي بتحبيني بس طول ما انتي عارفة اني بحبك عادي بالنسبالك لكن لما حسيتي اني هضيع من ايدك وان في واحدة تانية ممكن اكون بحبها هتموتي من الغيرة بس على مين دا انا هجننك واخليكي تمشي في الشارع تقولى بحبك يا ايهم بس اصبري عليا بس اما جننتك ما ابقاش انا ايهم