عشقتها حد الجنون للكاتبة ( سها محمد )

الفصل الرابع و العشرون

اللهم صلي وسلم وبارك على سيدنا محمد وعلى آله وصحبه أجمعين

لا إله إلا أنت سبحانك إني كنت من الظالمين

===============================================================

رودي : قولي بقى ماما كانت عايزاك في ايه

ايهم بارتباك : مفيش موضوع مش مهم

رودى : وانا عايزة اعرف الموضوع اللي مش مهم ده

ايهم : هي اصلا ما قالتليش حاجة اكيد شكت ان انا ممكن اقولك فرجعت في كلامها وما قالتليش

رودى : ايهم بليز قولي الموضوع انا متأكدة ان مامي قالتك وانت بتخبي عليا زيها علشان خاطري قولي

ايهم : رودي حبيبتي فعلا طنط حنين كانت عايزاني في موضوع مهم وقالتلي الصبح ابقى تعالالي بالليل علشان عايزاك ضروري بس اما روحتلها دلوقت قعدت تتكلم معايا في كلام هايف وما قالتش حاجة مفيدة فانا خمنت انها ممكن تكون شكت ان انا هقولك

رودي : انا مش مصدقاك يا ايهم لو سمحت قولي الحقيقة انت مش عارف الموضوع ده مسيطر على تفكيري ازاي انا خايفة تكون مامي تعبانة ومش راضيين تقولولي زي ما خبيتو عليا مرض بابي

ايهم : صدقيني يا رودي مفيش حاجة من الكلام الفارغ ده

رودى : امال ايه انا تعبت منكو ليه محدش بيقولي حاجة انا من حقي اعرف

ايهم : اصبري يا رودى كل حاجة اما بتتعرف في وقتها بيكون احسن

رودى : قولي الحقيقة يا ايهم علشان خاطري انت اكتر واحد انا بثق فيه ما تخليش الثقة دي تروح

ايهم : بصي يا رودي الحقيقة اني عارف الموضوع مامتك فعلا قالتلي عليه بس هو موضوع ما ينفعش اقولهولك وصدقيني مامتك مش مريضة ولا حاجة بس هو موضوع ما ينفعش حد يعرفه انا اسف انا كان نفسي اوفي بوعدي واقولهولك بس مش هينفع

رودي : ليه ما ينفعش

ايهم : ثقي فيا يا رودي انا قولت ما ينفعش يبقى خلاص المفروض تكوني واثقة فيا زي ما بتقولي

رودي : حاضر يا ايهم انا هسيبك انت تيجي تقولي الموضوع بنفسك

ايهم : شطورة يا قلبي يلا بقي غيري وتعالي نروح نجيبلك لبس علشان الكلية

رودي : لسه بدري عليها

ايهم : بدري ايه دي هتبقى بعد فرح ساره ومازن بكام يوم وانتي هتكوني مشغولة في الفرح وكدا مش هيبقى في وقت تجيبي

رودي : نبقى نجيب بعد الفرح

ايهم : ممكن ما نكونش هنا بعد الفرح

رودي : ليه هنروح فين

ايهم : مفاجأة

رودي : بجد طب قولي بسرعة ايه هي