عشقتها حد الجنون للكاتبة ( سها محمد )

الفصل الرابع عشر

اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

====≥==================================================

ايهم : قرار ايه دا يا رودى
رودى : انا و انت لازم نتطلق
ايهم : انتى اتجننتى انتى بتقولى ايه
رودى : اتجننت ليه هو مش دا كان قرارنا من الاول صح ولا انا غلطانه
ايهم بتلعثم : ايوة هو دا كان قرارنا بس مش هينفع انفذهولك
رودى : ليه بقى
ايهم بارتباك : مش هينفع اطلقك دلوقت الظروف ما تسمحش
رودى : مليش دعوة انا عايزة اطلق يعنى عايزة اطلق
ايهم : وايه اللى مخليكى عايزة تطلقى
رودى : كدا و خلاص
ايهم : هو ايه اللي كدا و خلاص انا لازم اعرف طب هو انتى عايزة تطلقي علشان انا ما قولتلكيش ان باباكى تعبان
رودى : ايوة و كمان علشان انا كنت متجوزاك علشان بابا واهو بابا خلاص مات يبقى ايه اللى يخلينى افضل متجوزاك وياريت تعجل الطلاق انا عايزة اطلق في اسرع وقت
ايهم : للدرجة دي يا رودى بس انا مش هينفع اطلقك في الظروف اللى احنا فيها دي
رودى : قولتلك قبل كدا انا مليش دعوة بالظروف انا ليا انك تطلقنى في اسرع وقت
ايهم : وانا مش هطلقك يا رودى
رودى : يعنى ايه مش هتطلقنى احنا كان في بينا اتفاق ان احنا نتطلق
ايهم : وانا لغيت الاتفاق ده ومش هطلقك
رودى : يعنى ايه كلامك ده
ايهم : يعنى اخبطى دماغك في اكبر حيطة
رودى : انت ازاى تكلمنى بالطريقة دى انت لو ما طلقتنيش انا هارفع عليك قضية خلع
ايهم : ارفعى ما يهمنيش بس احب اعرفك انك ان رفعتى مش هتتطلقى لا دا انتى هتتحبسي لانك متجوزة وانتى ما كملتيش سنك القانونى للجواز
رودى : انت كداب لان انت اللي هتتحبس انت فاكرنى مش عارفة القانون ولا ايه
ايهم : لا انا وانتى انتى ناسية انك باصمة عالعقد
عن اذنك بقى يا قطة سلام

ايهم مشي و ساب رودى تغلى من الغيظ من ردود افعاله البارده المستفزه

===============================================================

ايهم خرج بره وهو ماشي في الجنينة لقى هادى واخد ساره في حضنه وهي بتعيط

ايهم : ايه المسخره اللى بتحصل دى
هادى و ساره انتفضو وبعدو عن بعض
هادي : في ايه يا ايهم في حد يفزع الناس كدا قطعت علينا الجو
ايهم : جو ايه و زفت ايه انتو ازاى تحضنو بعض بالشكل ده
هادى : ايه يا ايهم انت مش واثق فيا ولا ايه دا انا لقيت ساره بتعيط فكنت بهديها
ايهم : هادى الموضوع مش موضوع ثقة الموضوع ان دا ما ينفعش وانا محبش اختى تبقى في الوضع ده غير مع جوزها
ساره : ما هو هيبقى جوزى انت ناسي ان بابا وافق علي خطوبتنا
ايهم : برده افرضي ما حصلش نصيب ما ينفعش تتعاملو مع بعض كدا الا بعد كتب الكتاب يعنى حتي لو اتخطبتو ما اشوفكوش في الوضع ده والا هيكون ليا كلام تانى وياريت ما اشوفكوش مع بعض خالص
هادى : انت كبرت الموضوع كدا ليه يا ايهم انا عمرى ما أذيها بالعكس دا انا احميها حتى لو انت مش موجود
ايهم : انا عارف يا هادى بس انا كلامى صح واظن انك مش معترض عليه
هادى : لا مش معترض يا عم
ايهم : وانتى يا ست ساره عندك اعتراض
ساره : لا
هادى : بما انك يا ايهم دخلت علينا في وضع مش تمام ايه رأيك تتستر علينا و تجوزنا في اقرب وقت قبل ما الفضيحة تبان
ساره شهقت من جرأته في الكلام
ايهم : احترم نفسك يا هادى وخد بالك ان معانا بنت
هادى : هي فين دى
ساره : هادييييي
هادى : بهزر بهزر
ايهم : طب بطلو بقى احنا في ايه ولا في ايه انتو ناسيين ان احنا عندنا حالة وفاه يلا عن اذنكو بقي