Ang Amo at ang Driver

Ang Amo ( The Boss ) Part 12

Part 12 Batangas Last Part

Alexander's POV

Ngayong araw ang huling pananatili namin dito sa Batangas kaya naman maaga palang ay abala na ang mga gagawa sa commercial at ipinaalam na rin sa akin kanina ni Grace na malapit na rin silang matapos.

Kaya naman inutusan ko si Grace na maghanda ng isang selebrasyon para sa aming lahat mamayang gabi.

At dahil babalik na kami bukas sa syudad kasama ko ngayon sina Anne at Dave sa sasakyan na si Mang Jim ang nagmamaneho. Pupunta kami sa palengke upang mamili ng mga pasalubong para kina yaya at sa mga kasambahay namin pati narin sa mga empleyado ko.

"Anne ano sa tingin mo ang magandang ipasalubong para sa mga empleyado ko?" Tanong ko kay Anne.

"Well since marami sila pwede na siguro kung t-shirt na lang at may naka-print na Batangas sa harap. Heto oh ang dami dito." Sabay kuha ng t-shirt na may naka-print nga na ibat-ibang disenyo na may kinalaman sa Batangas. Marami pa kaming pinamiling ibat-ibang pasalubong na dito sa Batangas lamang mabibili tuland ng mga kakanin, puto at marami pang iba.

Matapos mamili pumunta pa kami sa mall dahil gusto raw ni Anne manood ng sine. "Ano kayang ginagawa ni Kevin ngayon?" Tanong ko sa sarili ko dahil mula pa kaninang pag-gising ko ni hindi man lang ito tumawag o kaya ay nag text lang, inisip ko na lang baka may importante na naman itong inasikaso.

"Hon anong gusto mong panoorin?" Tanong ni Anne kay Dave.

"Ikaw, kahit anong gusto mo 'yun na lang." Tugon naman nito. Habang abala ako sa pagtingin sa mga pelikulang palabas ngayon bigla na lang dumilim ang paningin ko at naramdaman kong may mga kamay na tumakip sa mga mata ko.

"Guess who?" Bulong ng lalake sa tenga ko. Sa mga oras na 'yon alam ko na kung sino ito bukod kasi sa boses niya ang pamilyar na amoy ng pabango nito.

"Clark?" Pabiro kong tugon. Kaagad naman nitong tinaggal ang kamay nito at pagtingin ko sa kanya ay nakasimangot ito.

"Sinong Clark? Kunot noong tanong nito.

"Oh Kevin ikaw pala anong ginagawa mo rito?"

"Nag-text sa akin si Anne na pupunta kayo rito kaya nandito ako. Sasamahan sana kita kaya lang mukhang may hinihintay kang iba. Sige mauuna ako." At tumalikod na nga ito kaya bago paman 'sya tuluyang umalis.

"Actually may hinihintay nga ako, hinihintay ko ang boyfriend ko." Pagkasabi nito ay humarap 'sya sa akin.

"Ang sabi ko hinihintay ko ang boyfriend ko." Ulit na sabi ko

"Kevin ba ang pangalan ng boyfriend mo? Kasi parang ibang pangalan ang narinig kong sinabi mo kanina."

"Yup Kevin nga."

"So sino si Clark?"

"Si Clark ba? Pangalan siya ng crush ko."

"Akala ko ba may boyfriend ka na bakit may crush ka pa?"

"Hindi na man 'nya alam kaya okay lang."

"Eh paano kung alam niya at nagseselos na siya."

"Okay lang 'yon hanggang crush lang naman ang pwedeng mangyari sa amin ni Clark."

"Really? Bakit naman?"

"Kasi may Louis Lane na siya." Sabay pakita ng superman action figure na hawak ko.

"Oh crap."

"So tell me magseselos pa kaya ang boyfriend ko?"

"I'm so embarrased."