Ang Amo at ang Driver

Ang Amo Last Part

Author's Note

Heto na guys ang last part. Sana magustuhan n'yo ang pa-valentine ko sa inyo...
Alam ko matagal bago ko ito natapos na inabot ng higit sa 3 years.
Pakibasa na rin ang iba ko pang stories at promise kapag inumpisahan ko nang mag-update sa mga 'yon ay mabilis ko itong tatapusin...
Salamat ulit sa mga nagtiyagang bumasa ng unang kwentong ginawa ko and God bless sa ating lahat.

Alexander's POV

One Year Later

Hindi pa rin ako makapaniwala sa oras na ito, na maya-maya lang ay gaganapin ang isang pangyayari na ni sa panaginip ay 'di ko lubos naisip na mararanasan ko.

Ang daming nangyari sa mga lumipas na mga taon. Bumalik ang mga ala-ala ko na matagal na nawala dahil sa amnesia ko at kasabay nun ay ang pagbalik rin ng mga mahahalagang tao sa buhay ko.

Tinignan kong mabuti ang itsura ko sa salamin at isang ngiti ang lumabas sa mukha ko.

"Ano pinsan tapos ka na ba?" Boses ni Anne na narinig ko pagbukas nito sa pinto ng kwarto.

"Oo, ayos na ba ang itsura ko?" Tanong ko naman kay Anne sabay harap ko sa kanya.

Lumapit naman si Anne at yumakap ito sa akin.

"Congrats mamaya Lex at masaya ako para sa inyo ni Kiko." Sabi pa nito.

"Salamat Anne, kinakabahan nga ako eh."

"Relax ka lang okay at ang gwapo mo ngayon Lex, sigurado akong 'pag nagkita kayo ni Kiko mamaya ay matutulala 'yon." Sabi ni Anne at humiwalay na ito sa akin.

"Ano tara na?" Sabi ni Anne.

"Tara." Sabi ko naman at sabay na kaming lumabas ng kwarto.

...

Paglabas namin ni Anne sa hotel na tinuluyan ko na ilang araw kasama ni Yaya Linda ay sumakay na kami sa naghihintay na sasakyan ni Dave.

"Congrats bayaw." sabi ni Dave pagpasok ko.

"Salamat Dave."

Nalaman ko rin kay Anne na nasa venue na si Yaya. Habang nasa biyahe ay kinakabahan parin ako.
Ang daming pumapasok sa isip ko na baka hindi sumipot si Kiko at baka nagbago na ito ng isip.

"Lex relax ka lang okay." sabi ni Anne na napansin na yata ang pagkabalisa ko.

"O-okay."

"Isipin mo na lang na mahal na mahal ka ni Kiko, sigurado akong hindi na makapaghintay 'yon na muli kang makita." Sabi pa ni Anne at sa narinig nga ay bahagyang nabawasan ang kaba ko. Binura ko rin ang mga gumugulo sa isip ko at inalala ko na lang ang mga masasayang nangyari sa amin ni Kiko, mula ng mangpanggap ito bilang driver ko hanggang sa pumayag ako na magsama na kami sa iisang bahay.

...

Marco's POV

Ngayon ang araw na pinakahihintay ko ang maging isa kami ng mahal kong si Alex. Sa totoo lang ilang araw na akong 'di mapakali dahil na rin sa ilang linggo na mula ng umalis ako sa Pilipinas para ayusin ang magiging kasal naman ni Alex dito sa Amerika. Isama mo pa ang pamahiin nina Tatay Jimmy, Daddy Alberto at ni Yaya Linda na bawal daw magsama ang dalawang tao bago ang araw ng kasal nila. Kaya naman miss na miss ko na si Alex pero maya-maya lang ay makakasama ko na rin siya.

"Papa tapos ka na bang magbihis?" Sabi ng anak kong si Clark na pumasok ito ng kwarto.

"Malapit na anak, ikaw nakapagbihis ka na ba?"

"Opo kanina pa, ikaw na lang nga po ang hinihintay namin nina Lolo pogi at Lolo Jim."

Pagtingin ko nga kay Clark ay bihis na bihis na nga ito.