Ang Amo at ang Driver

Ang Amo Part 39

Alexander's POV

Lumipas ang isang buwan at mula ng makipaghiwalay ako kay Kevin ay wala na akong naging balita sa kanya.

Sa opisina naman ay naging busy ako dahil gusto kong maging maganda at 'wag pagsisihan ng mga investors ang pamumuhunan nila sa aking kompanya.

Isa na rito si Marco na tanging business lang ang naging relasyon namin sa mga nakalipas na araw dahil na rin sa sinabi kong 'di pa ako handa na makipag-relasyon sa kanya.

Hanggang ngayon kasi ay sinisisi ko parin ang sarili ko na nasaktan ko si Kevin ng makipaghiwalay ako sa kanya.

Matapos nga ang meeting sa araw na ito ay lumabas na ako ng building at pinuntahan na si Juancho.

...

Pagdating sa kinaroroonan ni Juancho ay mabilis na nitong binuksan ang sasakyan at pumasok na rin ako.

"Sir saan tayo?" Tanong ni Juancho pagsakay nito sa kotse.

"Idaan mo muna sa mall at may bibilhin lang ako." Sagot ko rito.

"Okay Sir." At pinaandar na ni Juancho ang sasakyan.

...

Sa mall

Naglakad-lakad lang ako habang patingin-tingin sa mga nadadaanan kong mga tindahan sa loob.

Nadako ang paningin ko sa tindahan ng mga libro at kaagad akong pumasok dito. Matagal-tagal narin akong 'di nakakabili ng libro, isa ito sa mga hobby ko lalo na kapag may libreng oras ako o kaya naman kapag naiinip. Pinaka-gusto kong genre ang fiction, sa katunayan ay natapos ko ng basahin ang mga Harry Potter Books na likha ng magaling na Author na si J.K. Rowling. Isa-isa kong tinignan ang mga libro na nasa shelf at napili ko ang isa na may title na The Sword of Truth na akda ng author na si Terry Goodkind. Matapos mabayaran ay lumabas na rin ako sa bookstore na iyon. Patuloy lang ako sa paglalakad at patingin-tingin parin sa mga nadadaanan kong tindahan. Nahinto ako sa paglalakad ng matapat ako sa fastfood, kung saan dito rin sa lugar na ito ko nakasama si Marco at ang anak nitong si Clark at sa naisip ay napangiti na lang ako. Dahil na rin sa gutom na ako ay minabuti ko na lang na bumili dito ng makakain. Ewan ko ba kahit na mahaba ang pila at ayaw na ayaw ko ang naghihintay ay natiyaga akong pumila sa mga oras na iyon. Ilang minuto pa ang lumipas at sa wakas ay makaka-order na rin ako.

"Good Evening Sir, ano pong order nila." Masayang bati at sabi sa akin ng empleyado ng nasabing fastfood.

"Ah give me 1, order of Burger and fries" Sabi ko naman.

"Ok Sir, 1 order of burger and fries, dine in or take out sir?" Sunod pang tanong nito.

"Dine in." At kaagad na rin nitong inihanda ang inorder ko at ilan saglit pa ay hawak ko na ito. Naghanap na rin ako ng pwesto ko pero puno na ang lahat ng mga pwesto na nasa ibaba. Kaya naman pumunta ako sa secondfloor ng fastfood para doon humanap ng mauupuan ko. Kagaya kanina ay puno na rin ang lahat ng pwesto na narito, maya-maya pa ay isang pamilyar na boses ang narinig kong tumawag.

"Tito Superman!" Walang iba kung 'di si Clark.

"Tito Superman dito na po kayo umupo." Sunod pang sabi ng bata. Tumingin naman sa akin ang kasama nito at bahagya pa akong nagulat ng makita ang ayos ng mukha nito.

...

Marco's POV

Matapos ang mga lumipas na araw mula ng pumunta kaming dalawa ni Alex sa Bataan ay parang nag-iba na ito ng pakikitungo sa akin. Siguro dahil na rin sa sinabi kong handa akong maghintay kung kailan ito magiging handa para sa akin. Alam kong hindi madali sa kanya na magkaroon kami ng relasyon lalo na at may karelasyon ito sa kasalukuyan. Alam ko rin na naging makasarili ako at masama dahil parang ako ang dahilan kung sakaling makipaghiwalay ito sa boyfriend n'ya na alam kong mangyayari lalo pa't sinabi nito sa akin na mahal rin ako nito.