Ang Amo at ang Driver

Ang Amo Part 36

Marco's POV

Kasama ko ngayon ang taong pinakamamahal ko papunta sa kung saan kami unang nagkakilala. Alam kong magiging makasarili ako sa gagawin ko pero ang ipinangako ko sa sarili ko na magising lang si Alex ay ipapa-alala ko rito ang mga nangyari sa amin sa nakaraan. Kung sakali man na hindi parin nito maalala ang nangyari noon sa amin ay hahayaan ko nalang ito sa piling ng iba kung saan magiging masaya ito.

Tahimik lang ito habang binabagtas namin ang daan papunta sa probinsya ng Bataan ang lugar na saksi sa una kong pag-ibig sa taong katabi ko ngayon.

Kahit wala itong kibo ay alam kong galit ito sa akin dahil sa ginawa ko.

Nang madaan kami sa isang fast food chain ay inihinto ko muna ang sasakyan para bumili ng makakain namin dahil alam kong gutom na rin ito kagaya ko.

"Bibili lang ako na makakin natin, ikaw anong gusto mo?" Nagbabakasakali kong tanong sa kanya.

"....." At gaya nga ng inaasahan ay 'di ito kumibo, kaya napabuntong hininga na lang ako.

"Si-sige maiwan na muna kita." Ang nasabi ko na lang.

Dinamihan ko na lang ang inorder ko at bumili na rin ako ng tubig sa katabi nitong convenient store. Matapos nga n'on ay bumalik na ako sa sasakyan.

Pabalik ako sa sasakyan ng kinabahan ako sa naisip na baka umalis na si Alex habang wala ako. Nang makarating sa sasakyan ay nawala ang kaba ko ng makita na naroon parin at nakatulog pala ito.

Dahan-dahan akong pumasok at baka magising ko ito.

Sandali ko pang pinagmasdan ang mukha nito habang natutulog na animo'y isang anghel ito at nakabuka pa ng kaunti ang bibig, kung 'di ko lang napigilan ang sarili ko ay baka nahalikan ko na ito. Matapos n'on ay ipinagpatuloy ko na ang pagmamaneho para kaagad na kaming makarating sa pupuntahan namin.

...

Ilang minuto lang at mararating na namin ang lugar na sadya namin sa Mariveles nang magising si Alex.

"Nasaan na tayo?" Kaagad na tanong nito pagkamulat ng kanyang mga mata. Hindi na rin galit ang boses nito kumpara kanina.

"Nasa Mariveles Bataan na tayo, kaunti nalang at mararating na natin ang Hacienda Gomez." Sagot ko rito.

"Baka ibig mong sabihin dating Hacienda ng mga Gomez, matagal ng ibinenta ni Papa 'yon." Rinig kong sabi nito.

"Alam ko. 'Wag kang mag-alala kakilala ko ang may-ari." Sagot ko pa rito at ilang sandali pa nga ay nakarating na rin kami.

...

Malalim na ang gabi ng makarating kami at pagbaba namin ay kaagad kaming sinalubong ni Mang Lino ang katiwala na ngayon sa Mansyon.

"Mabuti naman Marco at umuwi ka na rin, aba ang tagal na rin ng huli kang bumisita dito." Kaagad na bungad sa amin ni Mang Lino.

"Ah oo nga po, alam n'yo na medyo naging busy lang sa Maynila." Sagot ko rito.

"Oo nga pala kasama ko si Alex, kilala parin ho ba ninyo?" Dagdag ko pa.

"Ah oo naman, naku ang laki-laki mo na pala Sir Alex at lalo pang gumwapo, o paano pumasok na tayo sa loob at nakahanda na rin ang pagkain." Sabi naman ni Mang Lino.

Saglit lang akong tinignan ni Alex na wari'y nagtatanong kung tutuloy kami sa loob.

"Inaasahan na nila ang pagdating natin kaya halika na." Sabi ko rito at pumasok na kami sa loob.

...

Alexander's POV

Parang nagbalik sa akin ang lahat ng mga nangyari noon ng makapasok na kami sa loob ng Mansyon na dating pagmamay-ari ng pamilya ko.