Ang Amo at ang Driver

Ang Amo ( The Boss ) Part 7

Part 7 "Kevin"

Kinaumagahan

Alexander's POV

Pagbaba ko sa kwarto ko naabutan kong nagluluto sina yaya at si pinsan.

"Mmmm.. Ang bango ng niluluto 'nyo ah! Para sa akin ba yan yaya?" Hindi to para sa'yo noh para sa honey Dave ko to. Alam kong namiss 'nya ang mga luto ko kaya pinagluto ko 'sya ng paborito 'nya." Sagot ni pinsan. "Pahingi naman Anne, titikman ko lang kung masarap, para malaman natin kung magugustuhan ni Dave." "Sorry lex pero sa Dave ko lang 'tong niluto ko at kahit hindi mo tikman, basta luto ko siguradong magugustuhan 'nya." "Yaya ayaw akong bigyan ni Anne oh." Parang bata kong sumbong kay yaya. "Oo nga naman hija bigyan mo naman si lex kahit konti lang." "Yaya hayaan mo na 'yang baby damulag na 'yan at nang-aasar lang 'yan." Dahil kagabi ako ang inaasar 'nya lintik lang ang walang ganti. Ako naman ang mang-aasar sa kanya.

"Alam ko na! Kaya siguro nagustuhan ka ni Dave dahil ginayuma mo 'sya, siguro nilalagyan mo ng gayuma ang mga pagkain na ibinibigay mo sa kanya." "Excuse me. Hindi ko na kailangan ng gayuma para lang mahalin ako ni dave no! Sa ganda at sexy kong 'to." Matapos ang asaran kay pinsan ay naghanda na ako para pumasok sa office.

"Grace ano-ano ang mga appointments ko today? Tanong ko sa secretary ko. "Sir 11 am may meeting ulit with the suplliers about sa final bottle na gagamitin for our new product then 2pm for the ads agency and last mamayang 6pm to Mr. Mercado.

"So kayo nang bahala about sa advertisement i email 'nyo na lang sa akin then ako na ang bahalang pumili kung alin ang gagamitin para sa commercial."

Pagkatapos ng meeting sa ads agency tinawagan ko si pinsan. "Hello Anne mga seven or eight pm na ako makakaalis papuntang airport. Pupunta pa ako sa birthday ni Mr Mercado."

Si Mr. Arthur Mercado parang siya na ang tumayong Dad ko mula ng umalis si Dad. Siya rin ang matalik na kaibigan ni Dad at kaisa-isang ninong ko.

"Ok lang lex mamayang 9pm palang naman ang dating ni Dave eh." "O sige kitakits na lang tayo sa airport.

Pagdating ko sa bahay o mas tamang sabihin sa mansyon ng mga Mercado marami ng mga bisita ang naroon.

"Anong ginagawa mo dito?" Bungad na tanong ni Janna pagkakita sa akin. "Janna i'm sorry alam kong galit ka sa akin, pero nandito ako ngayon dahil inimbitahan ako ng papa mo." "Oh hijo nandito kana pala tara at ipapakilala kita sa mga business partners ko." Buti na lang kaagad na dumating si Mr Mercado at nakaiwas na ako sa anak 'nya.

"Mga kumpadre heto na si Alex 'yung kinukwento ko sa inyo na magaling pagdating sa mga alak. Natikman 'nyo na ba 'yung bagong alak na ginawa ng company nya? Kapag natikman 'nyo siguradong hahanap-hanapin 'nyo." Buong pagmamalaki 'nyang pagpapakilala sa akin. "Heto po pala 'yung regalo ko sa inyo." Sabay abot sa isang kahon na may laman na isang bote ng alak na ilang buwan ko ring ginawa.

"Salamat hijo, hindi kana sana nag-abala pa." Binuksan naman agad ni Mr Mercado ang kahon at gumuhit sa mukha 'nya ang saya pagkakita sa alak na regalo ko. "Bago na naman ba itong alak na ito hijo?" "Actually para lang po talaga sa inyo yan tito." "Salamat hijo. Oh mga kumpadre maswerte kayo at matitikman 'nyo ang alak na ito na ginawa lang para sa akin." At binigyan nga lahat ng mga kumpadre 'nya ng alak na ginawa ko. "Ang sarap! Ibang klase ka talaga hijo gumawa ng alak." Sabi ni tito "Oo nga kumpadre siguradong magiging mabenta itong alak na 'to." Sagot naman ng mga kaibigan ni tito. Ilang minuto pa ang nakalipas at tinawag si tito sa stage para magbigay 'sya ng speech para sa selebrasyon ng kaarawan 'nya.

"Maraming salamat sa mga dumalo sa birthday ko ngayon. Sa mga business partners, mga kaibigan, mga relatives ko at relatives ng asawa ko at sa aking inaanak na si Alex na alam kong magiging matagumpay na businessman na kagaya ko. Again, thank you to all of you and enjoy the rest of the party." Pagkatapos ng speech ni tito tinignan ko ang relo ko at mag-aalas otso palang ng gabi, kaya minabuti ko munang mag-stay sa party ni tito.