أنتَِ نوري

الفصل الثلاثون

كانت واقفه فى مكانها ومش عارفه تبطل عياط من إللى بيحصل ، إتكسرت أكتر لإنها مجبره تكسر فرحته ، عينيها جات على الخاتم السوليتير إللى سيف مقدمهولها وإتمنت إن يكون ليها الحق فى إنها تلبسه ، قطع تركيزها صوته...

سيف بإبتسامه:"رقيه ، مردتيش ليه؟ قولى ردك."

مكانتش عارفه تقول إيه بس إستغربت من إللى هى قالته...

رقيه:"قوم ياسيف."

سيف:"أقوم ليه؟"

رقيه بدموع:"أرجوك قوم."

قام من مكانه...

سيف بإستغراب من تصرفها:"فى إيه يارقيه مالك؟"

رقيه:"ماينفعش ، ماينفعش ياسيف إللى بيحصل ده."

سيف بصدمه وعدم إستيعاب:"ماينفعش إزاى!!"

مش عارفه تبررله كلامها إزاى أو تقوله إيه...

سيف بعصبيه:"قوليلى ماينفعش إزاى؟!!"

رقيه بدموع:"عشان..عشان..."

سيف بصوت جهورى:"عشان إيه؟!! مش إنتى بتحبينى؟!! ليه ماينفعش؟!!! ليه؟!!"

رقيه بعصبيه:"عشان إحنا كده بنتسرع ، إنت بتتسرع بطريقه رهيبه ، إنت ناسى إنى فى كليه وعندى دراستى وحياتى ، ده غير إن عندى أهل ، وأنا مش هينفع أتخطب كده عادى من غير ما أهلى يكونوا موجودين ، إنت ليه محسبتهاش ها؟؟ ماينفعش بالطريقه دى ، إحنا عندنا عادات وتقاليد فى بلدنا يعنى لازم تتعرف على أهلى الأول وتتقدملى من خلالهم وده بعد موافقتهم عليك."
سيف سكت شويه بيفكر في كلامها وبعدها ضمها لحضنه ..
رقيه لنفسها وهى فى حضنه والدموع بتنزل من عينيها:"أرجوك ياسيف، ماتقتلش اللحظات الحلوه دى بسرعه بينى وبينك، سيبنى أعيش أجمل أيام حياتى معاك ، سيبنى أبقى معاك عشان أعرف أشبع منك كويس ، ماتخلينيش أفوق دلوقتى، سيبنى أحلم وأنا بين إيديك."

بعد عنها وباس راسها...

سيف بهدوء وهو ماسك وشها برقه بين إيديه:"ماشى يارقيه ، عشان خاطرك هستنى مافيش مشكله المهم إنك تبقى ليا فى الآخر."

رقيه بدموع:"أكيد."

مسح دموعها وباس راسها مرة تانية ومسك إيديها ورجعوا للفرح...الكل لاحظ دخولهم قرروا يسألوهم...

حسين بإستفسار:"إيه النظام؟ وافقت صح؟"

مروان:"يلا فرحنى يابنى."

سيف:"غيرت رأيي ، هتقدملها رسمى بعد ما هى تخلص إمتحاناتها."

مروان:"بس ده متأخر أوى."

سيف:"مش مشكله ، المهم إن ده ميأثرش على دراستها ، صح ياحبيبتى؟"

رقيه بحزن:"أيوه صح."

أشرف:"كان نفسى أفرح بيكم والله."

سيف:"مره تانيه ، كده كده هبقى أعزمكم كلكم على فرحنا ماتقلقوش."