أنتَِ نوري

الفصل الثانى والثلاثون

فى شركة سيف الدمنهورى:

بلع ريقه بخوف وقرر يخبط على باب المكتب...

سيف بصوت مسموع وكله غضب:"مش عايز حد."

صبرى بتوتر وصوت مسموع:"فى خبر مهم جالنا من القصر يابيه."

سيف:"إدخل."

دخل المكتب ، بس إتصدم من شكل المكتب كل حاجه فيه مكسوره قطع تركيزه صوته...

سيف بغضب:"فى إيه؟"

صبرى بتوتر وهو بيبص فى الأرض:"الهانم الكبيره خرجت من القصر يابيه."

سيف بإستفسار وهو معقد حواجبه:"إمتى؟ ولفين؟ ومين إللى راح معاها من الحرس؟"

صبرى وهو بيبلع ريقه بخوف:"معرفش ، ومافيش حد معاها."

سيف بغضب وهو بيقوم من مكانه:"إنت بتقول إيه؟! إزاى مافيش حد معاها؟!! إزاى؟!!!"

صبرى بخوف:"ماهو أ.........."

مالحقش يكمل كلامه لإن سيف خرج من المكتب..خرج وراه بسرعه...

صبرى:"سيف بيه."

مردش عليه كان كل إللى بيعمله إنه بيتصل بيها كل شويه بس هى مش بترد....خرج بره الشركه وركب عربيته وإتحرك ووراه الحرس بتوعه ، بمرور الوقت كان مازال ماشى فى الطريق وبيرن عليها وبعد عدة رنات تم الرد...

سيف بعصبيه:"رقيه ، إنتى فين؟"

؟؟:"ينفع حد تانى غير رقيه؟"

سيف وهو معقد حاجبه:"مين معايا؟"

؟؟:"مين معاك كده بسرعه؟ مش لما أقول الكلام إللى عندى الأول."

سيف بعصبيه وهو بيفرمل العربيه:"إنت مين؟ وعايز إيه؟ وفين رقيه؟"

؟؟:"رقيه أهيه."

وصلت رساله على موبايله فتحها...عيونه باقت كلها غضب لما لقاها صوره لرقيه وهى مرميه على الأرض ومتكتفه ومغمى عليها رجع إتكلم فى الموبايل...

سيف بغضب:"إياك ، إياك تقرب منها."

؟؟:"أوه ، ماكنتش عارف إنها مهمه أوى كده عندك."

سيف بصوت جهورى:"لو قربت منها هقتلك إنت فاهم ، هقتلك."

؟؟:"ههههههههههههه ، أنا برده إستغربت إزاى الكل بيناديلها ياهانم وهى مجرد مربيه عندك ، تعرف أنا كانت خطتى هى إنى أخطف بنتك ، بس لما لقيت إن فى مشروع جواز إنت ناوى عليه قولت كويس أهى تنفع للإغتصاب عشان ماتلحقش تتهنى بيها ههههههههههههههههههه."

سيف بغضب شديد:"إنت مين؟ وعايز منى إيه؟ إنت مين يابن ال*** يا ***."

؟؟:"هههههههههههههه ، الشتايم مش لايقه عليك يا سيف عز الدين الدمنهورى."

سيف بصوت جهورى:"إياك تقرب منها إنت فاهم؟"

؟؟ ببرود وهو بيشرب السيجار بتاعه:"ماتقلقش ، مش هخلى حد من رجالتى يغتصبها دلوقتى ، بس لو مانفذتش إللى أنا عايزه يبقى تنسى القموره بتاعتك."