استاذي .....
زينب علي ....
___________________
* وحده من الاخوات سألت ليش همه وين عايشين اني ذكرت انو اهلها من طويريج واستقرو ابغداد يعني فقط ليلى المولوده ابغداد من بين اخواتها ....
شي ثاني اني احداث هواي عكبتها خو مو اضل اكتب ١٠ باراتات انو جاسر يضل يركض وراها وهيه ساكته متحجي فلازم اختصر . ومثل متعرفون اني تلعب روحي من التمطمط كوه هلمره جريت كل بارت سويته الفين .
* شي ثالث راح انزل صوره لجاسر مو صورته وانما صوره هيج حته تعيشون ويا هههه ادري بيكم كولكم جفاف . تره هذا لا ممثل ولا شي رجال عراقي وحسابه بلانستا موجود .
* الي اطلبه منكم اريدكم تعيشون القصه ولتتمللون من تباعد اوقات النشر حته هم الحك اعيد صياغتها واني وياكم مرتاحين ... وهلبارت ذكرت بي فتره مراهقه ليلى يعني هيه مراهقه وبريئه كولش ما عدها سوالف مكسره وبنفس الوقت خوافه .
نشرت هلبارت حته انوب يوم الجمعه نبدي ندخل بأحداث مصيريه . وراح كل بارت يحجي عن شي معين ....
حاله اسمع رأيكم بلقصه ولتنسون 🌟⭐ 👉 ويلا نبدي بلقصه ....
_________________________
.
.
.
بلليل انتظرت السيد واجه * هلا علويتنه الصغيره خل نشوف نتيجتج *
طلعتله النتيجه اركض وشافها ومعدلاتي كولهن ناحجه اقل درجه عندي ٨٩ بلرياضيات .
باسني حيل وكلي شتردين اجيبلج .
اريد اريد اريددددد .،
فضيها ....
اريد هااا صدوك بابا اريد دفتر مذكرات حباب ....
هههه صار من عيوني اجيبلج دفتر مذكرات .
وثاني يوم جابلي بابا السيد احلى دفتر مذكرات وبديت اكتب بي ايامي وذكريات طفولتي وسلالتي المحمديه . الي متفاخره بيها . وجنت دائما اخط بأيدي ( ال ياسر )
.
كملت وسديت دفتر المذكرات وحطيت راسي ع المخده واني افكر بجاسر لحد ما اجاني بلحلم حلم شنو ما اتذكر . بس اتذكر هواي صيحت هواي بجيت بحيث كعدت مقهوره . وما اتذكر الحلم بلضبط شنو جان .
صبحت ضايجه ومزاج معكر ....
امي : كومي تريكي ...
اي هسه هسه ...
وجع شبيج كعدتي من النوم مطنكره
ليلى : سيد عبد الغني ..
امي : علويه حسني الفاظج احسن الج ....
علويه بشوشه ماعليج دا احجي وي سيد عبد الغني اني .
التفتت امي لابويه باشاره عيونها * هاي شنو هلجيل هذا الصلف عمي . خواتج لحد هسه من يجن يبوسن بدينه وانتي حته اسمنه تحجي علني ....
علويه بشبوشه اسكتي احب اسمائكم غير .
للللللليله .....
اكوووول انتم ليش تصيحولي ليله اسمي ليلى مو ليله ..،
