اليوم اني نازلتلكم كل شويه تنويه ...
لان ضايجه كلششش والضوجه فووول عندي بحيث حتى ما عندي قدره ع الكتابه ....
راح انطيكم اسبوع تراجعون الاحداث
اسبوع اجازه الكم واليه ....
مو كل شويه وحده داخلتي شكد عمر ساره وشكد عمر يزن وشكد عمر كوثر ...
واخلص من عمرهم تجوني معقوله تجيها الدوره بلثالث ابتدائي ....
يعني اني شسويلها اذا اجتها الدوره بلثالث .
انوب كتبت ((بلغت كوثر بلثالث وساره بلخامس)) ....
وينه الحجي الي ما مفهوم بهلجمله يعني هيه ممبينه ساره بلخامس واجتها الدوره وكوثر بلثالث ....
قبل كم بارت نوهت انو كوثر اخشن من ساره . كل انسان وطبيعه جسمه ... هنه بلغن من وكت شعليهن بيجن ... اكو تبلغ ٩ سنوات واكو ١٦ سنه وهاي ترجع لقرائنها من الام والخالات والعمات ..
شي ثاني جاسر تأسر بسنه ١٩٨٨ ولحد الان هيه متدري عنه شي ! اني اتعجب من الي تكول انتظري جاسر . اذا هيه عبالهااا مااات وشبع موووت وسنين ما رجع يعني فكروو انتم وشووفووو زمن دا احجيلكم مو يوم ويومين مو عبالكم جاسر غايب ع كد البارتات الي دا انشرها ... جاسر غايب ١٧ سنه ...
وبلتالي ١٧ سنه هاااي عمر كامل بحاله . من تعلقون وتحجون حطوو نفسكم مكانها سالفه لواء شوفي من غير ابعاد لتوكفين ابعد واحد .
اما بلنسبه لكوثر فما اعتقد شي غريب . اني اشوفها اقرب من الواقع من شخصيه كوثر . لان كل البنات مرن بهاي المرحله وهيه مرحبه المراهقه .ما اعرف اذا اكو بيجن جامدات المشاعر بس اني دا اتكلم عن نفسي . عرفت شغله الزواج واني بعمر الثاني ابتدائي من صديقاتي بلمدرسه . نفس الحاله صارت وي كوثر وساره واني نوهتت انو عن هلموضوع من ذكرت انو طالبه وياهن اسمها سحر مسولفتلهن عن ليله الدخله ....
فاني جاي اركز ع كل كلمه وانتم تقرون شلالي مشكلتكم مو مشكلتي ....
خمو اني فاحه الخاص بس حتى اجاوب كوثر ليش متحب ظاهر ؟؟
ااقصه حقيقيه ؟؟؟
شكد عمر يزن ...
شكد عمر ساره ...
شكد عمر ليلى ...
عليج الله ليلى ترجع لجاسر لو تضل يم لواء ...
هاي مطلعت قصه
زين اني كل بارت جاي اكتبلكم ياسنه ولادتهن بسنه ١٩٨٨ وهسه وصلنه لسنه ٢٠٠٢ شبيكم متيهن ...
عموما ارتاحو اسبوع واني هم وان شاء الله نلتقي يوم الثلاثاء القادم لان تعبتوووني كلششش ...
هسه تجيني وحده مسويتها منيه علينه ....
لا مو منيه بس القارىء يساعد الكاتب بفوجه بعالم اصحاب القصه يحتاج حماس تشجيع . حتر يضهر تقدمه . اني هسه حاليا وضعي مدا اكدر اكتب كلمه وحده . كل ساعه فكره ساعه اكول اوقفها وساعه اكول ارتاح شويه وساعه اكول بعد ما انشر وانتظر الطبع وع هلرنه .
شي اخر : انتم بس تردوم تعرفون رجوع جاسر ...
وبهلحاله راح اطفر من سنه ٢٠٠٢ لحد سنه ٢٠٠٦ هاي الاحداث شلون راح تفتهموها وانتم ما شاء الله يعني تلكفوها وهيه طايره . والله ما ادري .
اضافه انو لو وحده عدها ربع من لواء يعني اقصد علاقاته وي النساء مسسسستحيل تصدك بي ... مستحيييل . تثق بي ...
فما اعرف ليش كلجن صدكتن بلواء وانتقدتن تصرف ليلى ....
