استاذي ....
زينب علي ....
______________________
راح انزل الكم هلبارت حته تنتظروني ليوم الاحد لا اجانه خطار . اهل بغداد حلو ضيوف عدنه ونحتاج نقوم بلواجب فاذا ممكن ترخصوني ومطالبون ابارت . والبارت القادم اعتقد كولكم راخ تنتظرونه هههههههه لان البات القادم 🔞 الي تريد ما تقراه الله وياها ....
___________________
اني كاعده ابيت اهلي واسمع صوت صريخ . شويه وطبت امي تصيح . وايمن يفرفح .
اجيتهم اركض . ها وين جنتو شسولكم ....
امي : شعندج هناااا . ارتاحيتي هسسسه ارتاحيتي من عافنه ابوج وراااح . ارتاحيتي من دكايكج وسوالفج المكسره ...
شنو وين عافيه . يمه شبيج يممممه احجي ....
ولج مااااات ابوج وج ماااااات .. .
ليش منو كتله فهموووووني . كولولي منو كتله ... منو .. ابو لواااء منو فموني حبابين لخاطر الله كولولي ....
ايمن جرني لحظنه : ليالي ابويه انطاج عمره . وصاني بيج . الله شاهد .
خيي كول غيرها . كول دتجذب عليه . كول دتتشاقه وياي . جاي تعاقبوني مو . وين ابويه راح للمحل .
خيي لخاطر الله بس حاجيني ...
ايمن يصيح لمرته ودموعه على خده : محاسن دير بالج عليها ...
وخرو عني محد يكمشني . ايمن تعااال بداعة اخيتك . ابويه وين ..
يا ناس لتخبلوني . كمت اجر بشعري . واشوف امي تملخ بروحها . وتصيح سوده بوجهي عليك رحت مكسور الخاطر مكسور الجناح ... منين جتك هاي الطلابه .
لحظات ما اتمنى لاي انسان يعيشها . صعب تعيش شي براحه وبسعاده في حساب سعادة غيرك وهذا الي صار . صارت سعادتي في تعاسه عائلتي وفقدان اب لطالما عوضني بحبه وحنانه . وما اجه ابالي يجي يوم من الايام راح اخسره . ويسلبني الموت اغلى ما املك . كل الي اذكره منه بس حبه وحنانه واني حته ما اتذكر كتله احبك . حب الابويه ما عشت ويا ما شبعت من حظنه بطيشي وغبائي سلبت روحي مني .
كل الالم الي مريت بي ميجي لحظه للي صار بأيام الفاتحه واني اشوف عيون العالم تباوعلي بنظرة حقد وكأني الفاجره الساقطه الي من وراها ابوها مات . وتجمعن اخواتي وهنه يسمعني الكلام الحاد الجارح ......
واجاوبهن والله متندمه والله متندمه . والله لو يرجع بيه الزمن فلا احجي ويا والله راح اموت من القهر
..
من خلال عاداتنه بلفاتحه نوكف بلتسلسل امي وانوب حميده وزينب اختي انوب اني ومحاسن وعماتي كبل امي . بس سمعت امي تكل لزينب . لتخليها توكف ويانه . خل تروح وي رجلها شكلها ما اريده اشوفه ....
حميده : يمه منا ناس مترهم الناس تتورج علينه .
وامي تزلخ بخدودها وتصيح . راح مني راااح شيفيدني راااح بعد .
