استاذي ....
زينب علي ....
________
تجاوز = بلوك ...
البارت ٣٠٠٠ كلمه
______________
كاعده بلقاعه واني انتظر صديقتي امل تجي من الكافتريا حبي للدوام بده يزداد واني جاي اداوم مرحله ثالثه وبنفس الوقت كاعده ابيت خالي وتعبانه كلش هوسه ممتعلمه ع وضعهم عود ارجع كل خميس وجمعه وسبت لأهلي . واجتي امل تركض ساره ساره ...
شلت راسي من على الستول : هااا ...
امل : ووج كووومي يحظي . سمعتي هلخبر ...
ساره : خبغششش ...
امل : اجانه دكتور من امريكا . عيطه مو دكتور . اضن طافر من زمن قابيل وهابيل ...
بده بكلبي الخوف وقبل لا اسألها شسمه : دخل ع القاعه . وباوعتله بعيوني . مرت سنه سننننه كااامله سنه بأحداثها وتغيراتها وكرهي اله بكدددد كررهي لروحي الي عشكته يوم من الايام ....
ورجع بيه الزمن ليوم ما عافني وهو يهددني بكل جرأه ولا مبالاه اليه ولمشاعري ويأشرلي كأني متهم : ترحين وياي لو وياهم ...
حبي اله الي مجان اكدر اتصور يوم من الايام اكدر اعوفه وجاوبته بكل حب : يزن صلِ على محمد امي هسه مقهوغه مكدغ اصدها وفشله عليه ...
تغيرت نضرته اليه وصار خازرني : وووويااااي لووو وياااهم ....
ساره : يزن فدوه لتحجي هيج الله يخليك . فشله من امي . شنو اكلها . اغيد اغوح وياااا .. وانت كبل شويه اشكال والوان حجيت . الله يخليك لتجغحني وتفضل سعادتك على سعادتي . الله يخليك طيب خاطغها بحجايه فدوه ....
باوعلي بنظره ما عرفت افسرها لحد الان : ممسوي شي غلط اني ... وهيه الغلطانه وان الاوان امج تعترف ولووو مره وحده هيه غلطانه . وتترك حرب يروح وياي لامريكا ومتوكف ضده مثل ما دمرت حياة كوثر ..
ساره : ما الهاااا دخلللل هاي قسمتهاااا امي شنو الها دخللل .
يزن : لتعبين نفسج بهلحجي . وكتلج اختاري كدامج ٣ ايام قبل سفري .
ساره : انت اناني ومتفكغ (متفكر ) بس بغوحك ....
يزن : مو جديد عليج من عمرج يوم ووعيتي عليه اني هيج .
غوشت عيوني وحسيت الدنيا ضلمه بعيني وما اشوفه غير قلمه يدك ع الستول مالتي . ورافعلي تك حاجبه واباوع ع القلم يدك نقره فوك نقره .
رفت راسي واشوف الطلاب كلهم واكفين واني كاعده . كملت ع حيلي واباوعله هذا شجابه لهنااااا ...
عافني وراح كمل سلامه : سلام عليكم اني دكتور يزن .
وبده يعدد حاصل على شهاده في كذااا من حامعه كذااا وخاصل على بحوث تقدمت بكذا دوله اجيد اللغه الفرنسيه والبرتغاليه والانكليزيه بطلاقه اضافه الى العربيه وضل يحجي ويسولف عن منجزاته واني احس ضاااق الهوه بيه . اعاصبي بدت تضغط على راسي . اذاني كامت متسمع الحجي طبيعي كوه كمت : استاذ . ممكن اطلع شويه ...
