استاذي ....
زينب علي ....
______________
هلبارت هديه للمتابعين ومنتظرين مني مفاجأه واني احبكم واليوم سهرانه ع حسابكم ... بس هاااا قفلت البارت خوش قفله بحيث اخليكم تنتظرون البارت الجاي ع نار .... خو اني مو خبيثه 😈 ههههه
البارت ٣٠٠٠ كلمه
______________________
سرعه النيزك من اقترابه للارض مثل سرعه لواء من اقترابه لامواج قلبي . ليتحل به الاجزء الاكبر . تارك عالم مموج بلالوان بعد ان لم يكن فيه غير الاسود والابيض .
بزمن ما كان الناس تتحسر على الفلس اني جنت مدللة . والكل جان يتباهه بدلالي وبلاخص امي الي تشوف لواء هو حلم كل امرأه وعلى كولتها : رجلج وابو بيتج وابو وليدج . داري . حبي . عشكي . ونسي .
اضافه الى نصائح الاكل : وج يوووم لتصيرين فاهيه اطبخيله وكلي اسوي الكبه والكباب واحطهن كدامه . ولج يمه الرجال يتونس من يشوف الاكل ومن يشوف مرته مهتمه بي .
ما اعرف شنو القصور الي تلاحظه امي بيه . بينما اني اشوف روحي موفيه لواء !!!! او شنو علتقه ااكبه والكباب بموضوعي ما افتهم ؟!!!! امي مجازت تنصحني هيج من جنت وي جاسر . فختاريت اسالها عن السبب وجاوبتني : رجال مدللج وشايلج على جفوف الراحه وحرام تخسرينه ويصير لغيرج تره اكو هوووواي يتمنن اضفره . ..
جنت اتضايق من كلام امي الي دائما تشوفني مقصره وانحيازها لواء كدامه فمرات هو يكعد يشتكيها بشقه وهيه تجاوبه بصراحه : كسر راسها اذا ما سمعت حجايتك ...
وهو يجاوبها : علويه دخيلج ... هاي ام وليدي ام حرب هاي ....
وتستمر امي بدعائها اله ....
والي اعرفه امي تحبه من صدك لان امي متدعي لواحد اله اذا جانت تحبه وحسيت بيها تحبه اكثر نسابتها يعني حته فضلته على احمد زوج حميده . الي جانت كلش تحبه . واحمد يحب حميده لان بأعتبار رافعه راسه كدام الساده وجايبتله درزن ولد
.
.
اكثر فتره ضلت امي بيها لمن جبت حرب وشافت حركات لواء وتصرفاته وياي وحجيه وياها . وهو اخذ كل راحته وياها . وهو بدوره طلع كل بطولاته يسوك ويجيب وفوكاه وحلويات امي طارت بي حست بي صدك يحبني ....
حاول يشوف ردة فعلها لامي ...
لواء : ليلى اذا ضوجتيني النوب اجي اكل للعلويه عليج ....
امي : فنها تجي صوبك . ابو ليدها شعدها غيرك ....
ليلى : يااااا انت وامي عليه واني وحرب عليكم ....
.
حرب دبي كلش بحيث يكسر الادين وكوثر متقاتله عليه ومميه وره مميه تزق بي . وهو هم عنده كوثر امه مو اني . اما ساره وما ادراك ما ساره يوميه تحفظ ٢٥ كلمه من قاموس الانكليزي ويرجع الها عمها وبلتالي يثني على تقدمها الواااضح وبكل ثقه يكللها : تذكريني بيزن ...
وهيه ترد مبتسمه : عمووو شنو يزن ... اصبرلي اذا ما طلعت طبيه ....
