استاذي ......
زينب علي ......
_____________
اخاف اتحرك . اخاف امشي اخاف اكعد وبطني كبرها جبيره اريد نارنج اريد زيتووون مالح ااااخ مشتهيه باجه .هههههه
لواء : شنو حامل بديناصور
ليلى : لواء لتحط كبلتك وي الطفل . بس اصير بلخامس اخذ سونر راح اموت ...
لواء : ولد اني اكلج ...
ليلى : رحت اركض كعدت بصفه شمدريك عليك الله بيه ولد ...
لواء : استقبلني بلاحظان وهو يكلي : اني ادري . بيج ولد ...
ليلى : اي شمدريك غير اعرف ....
لواء : احساس هيج مجرد ما اعرف بعد .
ليلى : اتمنى ولد بلكي شويه يوكف لخواته اذا كبر .
لواء : ثلثين الولد على خاله ... هسه انتي ايمن اكو فد يوم واصلج ...
ليلى : ياااا سوده عليه . وينه متشوفه شحاله سكر وضغط وسوفان بركبه سوده عليه اشايف هو ... بلعكس اني مقصره ويا ... الوا لو يطلع مثل ايمن شفايتلي . من اروح الهم ساعه شابكني ويكعدني بصفه . لو تشوفه يكسر الخاطر جيب الركي يم ليلى جيب الخظر يم ليلى وكل شويه يكل لمحاسن صبيلها ماعون ثاني خل تاكل . بلعكس اني اخوتي حنان . بس غير الزمن جار عليهم . صح ما يجي هواي . اكيد يستحون منك انت ما تروح الهم ....
لواء : ههههه . باع اللواته ... اني استحي اروح الهم . ما متعود عليهم ...
ليلى : متعود ع اهل جيهان ؟؟؟
لواء : جيهان بت خالتي اولاً حته من اروح . اني اروح لبيت خالتي وما اتأخر هناك بس هيه تبقه بت خالتي ....
ليلى : واهل سلسبيل ؟؟؟
لواء : ابو سلسبيل ضابط جبير متقاعد من زمن الوالد الله يرحمه فأكيد من اروح بحكم عملي اخذ راحتي بلكلام .....
ليلى : بينما انت اهلي ولا مره رايحلهم ... طبيت الهم بلتسفير وصيحت ع ابويه طلعوووو الجناسي ...
لواء ( انقهر من صيغه كلامي الي حجيت بصياح ) : جيهان وسلسبيل كولهم يباوعولي ع انو انسان طبيعي وحالي من حالهم . بس حظرت جنابج انتي واهلج تباوعولي كأنو مجرم ....
ليلى : احنه كلنه مجرم ؟!!! بس هذا واقع ....
لواء : واقع شنووو واقع اني مجرمممم . وشي ثاني اني ضابط وجاي انفذ اوامر دوله ....
ليلى : عن يا دوله تقصد كل هاي الابرياء الي راحت ضحايا . انت المفروض اول الناس الي تساهل وياهم . شيخلصك من نار جهنم وخطيتهم بركبتك ...
لواء : عليمن خطيتهم بركبتي ! احد كللهم عادو نضام ويصيرون طناطل . يطبهم طووب ...
ليلى : ليش يطبهم طوب . انت بلنسبه الك معندك معتقدات . بس غيرك عنده . انت حتى بالله ممعترف خو اكيد غيرك عنده ....
