استاذي ......
زينب علي ....
_____________________
صباح جميل يطل باشراقة عيون ليلى . واني اشوف زراكهن تارس فص عيونها .
صباح الخير عروستي ....
ليلى : صباح النور ....
لواء : شبيج خجلانه تره مسوينه شي البارحه ....
ليلى : اي صحيح ....
لواء : البارحه جان احماء فقط . منا وجاي يبدي اللعب ....
ليلى : لواء كافي ..
لواء : تعاي خل اتريك بيج ....
ليلى : شوف لواء انت مو تكول تحبني ؟؟؟
لواء : ايي ...
ليلى : بس على حسابي اذا صدك اريدك تلتزم بصلاتك .
لواء : الاعمال بلنيات واني نيتي اصلي بس مو هسه ...
ليلى : انتم عليمن طالعين اشو عمي يصلي وعمتي هم ....
لواء : عمج ذاك اليوم صله .....
ليلى : هسه الحمد لله من صله . بس حباب لواء ولو عاد بس من تجينه هنا .....
لواء : والله مالي خلك ... يصير اصلي من جلوس ....
ليلى : لوااااء ليش هيج تحجي يعني هسه لو صدام يستدعيك جان رحت تركض ....
لواء : يبوو ميخالف عمي ميخالف . احاول احاول ....
ليلى : لواء راح اكلك شغله ....
لواء : كولي ....
ليلى : اني اذا صار وسمعت راجع مثل كبل متشوفني بعد ....
لواء : لتهددين بلحجي ؟؟؟ ...
ليلى : لتكولي لتهددين اذا ضليت ادور نسوان احرم عليك اني بعد ....
لواء : اني اذا اريد ادور مخايف من احد ....
ليلى : هيه مو مسأله خوف ؟؟؟ وانما مسأله احترام مشاعر . وانت واجبك تحترم مشاعري ومتهيني وتروح تنام وي بت شوارع وتجي تنام وياي ....
لواء : اني صارلي سنتين ملازم وحده وممدني لوحده . لو انتي لكيتي شغله حته ادبكين بيها !!!
ليلى : ليش تصير عصبي ع هذا الموضوع . هذا الموضوع ليش يأذيك . لعد شلون احجي وياك . ابطل ما احجي بعد ...
لواء : ليلى حجيج نهائيااااا مو بمحله يعني اني وضعي وياج يختلف حاليا . انتي هسه المفروض عروس مو كاعده ثانيه يوم زواجج تسولفيلي عن النسوان ....
ليلى : عفته ورحت لان شفته صار عصبي . رحت كمت سويت جاي وكيمر وتريكنه هو معكوده حواجبه . عفته كلت خل يضل ما احاچي . كملت الريوك هو كاعد ع القنفه وبلشت شغل تعديو من يمه سحب ايدي جرني لحظنه . حاجيته : لواء ....
