استاذي ....
زينب علي .....
_______________
خلصنه من عمر يزن وعمر ساره وعمر كوثر وليش يحجن هيج وهنه صغار النوب اكو كم وحده تسال شلون يزن يزوج ساره هو مو عمهن .. كولنلي اخنك رووووحي
🔪🔪🔪🔪🔪😏😏
_______________
ساره ....
..........
اول ما وصلت واستقريا بامركيا دخلني يزن معهد لتعليم اللغه . وتكفلت هلموضوع مايا . وصارت يوميه تاخذني وتجيبني وبدت تنشأ بيناتنه علاقه قويه بضل غياب امي وكوثر عني .
يعني صرت اشوفها اختي الجبيره ...
مايا ستايلها يختلف عن ستايلي صح محجبه بس بس بلاسم حجاب .
كامت تسولفلي عن حياتها وواني اسولفلها عن حياتي وحياة اهلي والعراق وسوريا وهيه هم ما خلت شي ما سولفته .
بلشوبنك (تسوق ) نروح اني وياها . نشتري وناكل الي يعجبنه . بس بنفس الوقت غياب يزن من حياتي . بحيث صارت حياتي مقتصره على الدراسه وتعليم اللغه .
وخلال ٦ اشهر كملت اللغه مالتي وبمساعده مايا ال جانت حريصه عاى دوامي .
بعد ال٦ اشهر الي قضيتهن تم تقيم عمري ودخلت للدراسه الثانويه وفق عمري . وجانت المساعده من يزن الي مشالي بأجراءات الدخول .
اقتصرت حياتي ع الروحه والجيه من المدرسه للبيت ومن البيت للمدرسه واذا كلش ردت اطلع ماما سوزان تطلع وياي .. او مايا ..
واغلب الايام مايا تكون وياي باعتبارها دليل سياحي لحظرتي ...
يزن نادرا ما يحجي وياي اغلب الاحيان هو خارج البيت واذا كلش كلش اجه يسالني : هم تواجهين صعوبه بماده ؟!!!
اني اسحتي احجي ويا واحاول افهمه بقدرتي على تحدي الصعاب : لاااا كل المواد سهله .
وهيه بلحقيقه اكوو هواي مواد صعبه . واحتاج احد يساعدني بيها .
مشاعر عندي هواي اتجاها ومضمومات بكلبي ما اكدر احجيهن
هواي تمنيت يبادلني ولو بسسس كلمه . حتى يكسر هلحاجز الي جواتي بس بلعكس اقرب منه يوم يبعد عني شهر . ويستمرن زميلاته وحده جايه وحده طالعه . يوميه شكل . صح ما اشوفه عنده شي وياهن ما اشوف بعيني . بس شعور مزعج جدا انو اشوف روحي نكره ...
جنت اتمنى عندي جرأت كوثر . حتى اصارحه بمشاعري .بس من اصير كدامه دماغي ميعرف يصرف حتى الحجي بعد ميجي مضبوط ....
.
.
ما حسيت بي سحب الكتاب من يمي وهو يبدي بتعليمي . واشوف الكلمات الانكليزيه البحته تطلع من حلكه بسهوله ويلفظ الR بسهوله وال S بعذوبه ....
يزن : بالج وياي ؟؟؟؟
ساره : هاا ... اييي ايي بالي وياك ....
تركني وراح ضايج لان شافني بالي بغير موضوع اصلا : هاج اخذي دفترج وروحي اقري بلغرفه ...
ااااه شنو حانت من سنه عصيبه ومريره مرت عليه شنو من ايام سود . شكيت لمايا بعد ما طكت مراني منه واعترفتلها بحبه الي يجري بعروكي . وصده اليه
