استاذي .....
زينب علي ......
___________________
البارت بي ٣٠٠٠ كلمه ومنشور نصه فهذا تكملته اقرو
______________________
قلم كحله هذا كل ما املك من شغلات البنات . من سننين واني شامره المره بره روحي وخارج جسدي . ما حبيت ابين ضعفي وعدم فهمي كدامه بحاجات النساء لان هو يفوقني خبره وتعدد واكيد شاف الاحلى مني . والامهر مني وكفت كدامه بلبيت واني حاطه كحله بعيوني ....
لابسه كوستم ابيض . ومرتبه شعري . التفت اليه بنظره تعجب بلهفه . وهو تبدي الابتسامه على وجهه تقرب اليه بخطوات عيوني غوشن وي كل خطوه يتقربها . واني احسب واحد ثنين تلاثه وصار كبالي .
رفع راسي بأيدي وهو يكول : يا ارض احفظي ما عليها ...
جاوبت بخوف وارتباك : ش ششكرا ابو ظاهر ...
لواء : لواء ...
هااا ...
لواء : اسمي لواء مو ابو ظاهر دخيلج محسستني عمري عايش بأرذل العمر وماخذج قاصر ،....
ضحكت .....
لواء : شبيج وضحكين ....
ليلى : تذكرت ساره لو سامعتك تكول قاصر جةن كالتلك قاصر لو طوز (تايت)
لواء : هههههههه ام لسان تكلي وين ناوين توزعونه ...
ليلى : يمه صخام صخمني شلون اباوع لبناتي ....
لواء : شبيييج صدك تحجين انتي ! لج بابا ذني صغار وتقبلن وجودي وياج لتفكرين بهلموضوع ....
ليلى : لا لواء لو مكايلي والله فشله ....
لواء : ها تردين تأجلين الموضوع علما تقنعين ما عندي مانع تره متكربس بيج صارلي سنين .....
ليلى : كافي .....
لواء : تعاي امشي خل نطلع .....
ليلى : وين !!!
لواء : البسي عباتج وتعاي بسرعه ....
ليلى : رحت اركض لبست عباتي وحجابي وطلعت صعدت ويا بلسياره احس روحي مثل الوحده متزوجه عرفي وشارده كلش خجلانه .
لكيته متحظر وصاعد بلسياره . واني صعدت ويا بلصدر استحيت اول مره اصعد ويا بلصدر . رحت اني ويا وهو كاعد بلطريق يغنيلي
خايف عليها . تلفان بيها ....
شامه ودكه بلحنج من يشتريها ....
ااااه شامه ودكه بلحنج ...
لو تنباع جنت اشتريها ...
ليلى : كافي لواء والله راح تموع روحي ....
لواء : هسه روحج زبد وتموع بطلي هلحجي ....
ليلى : الله يخليك لواء اني اختلف عن غيري . والله اني استحي. ...
