استاذي .....
زينب علي .....
.................
في العراق .....
.....
ليلى : صباح الخير خاله ...
سوزان : صباح النور والعافيه ...
ليلى : استقبلتها بوجهه بشوش بعد ما شفتها مبين عليها الضعف وفراق عمي الي صعب عليها : خالتي سويتلج اليوم كاهي بعد روحي .....
سوزان : عاشت ايدج . وين البنات لعد ....
ليلى : نايمات مطبخات نوم . امهات الضهاري ....
سوزان : ماما لتعلميهن على هلشي صغار قابل هنه شنو نايمات ....
ليلى : لا والله خاله خطيه اديهن بديه ميعوفني . واني اكول خطيه خل يسهرن هسه بس تصير العشره اكعدهن ....
سوزان : لا يوم روحي كعديهن هسه اني هليام عجزت هنه بعدهن شباب !! ....
رحت ناحيه الدرح وصحت بصوت عالي : سلطانه سااااره .. كوثر خاتون يلا انزلن .... حبيت اذكرها بلأسمين لان عمي سماهن . بلكي تفرح ...
ضحكت وسألتني : لواء طلع .....
ليلى : اي خاله طلع من وكت . بعد تعرفي كبل الثمانيه كون طالع ...
سوزان : اي خوش عندي حجي وياج ...
ليلى : كولي خاله كبل لا يكعدن البنات ...
سوزان : شوفي يوم عمج وصه يزن و وصاني بلبنات. ..
ليلى : الله يرحمه ...
سوزان : حته ما يروح لغريب وما يشلع كلبهن وينصب عليهن وياخذ حلالهن ولد عمهن اوله بيهن ...
ليلى : خاله الله يسلمج وينطيج العافيه . بس اني بعدهن بناتي صغار . والزمن تغير هسه اهم شي المراه شهادتها تصير سلاحها .....
سوزان : اني وياج ماما واني خو ما ارضه لساره يعيرها بعدجم يوم يزن عن دراستها . تدرس وتكمل وياخذها ... وكوثر همين ....
ليلى : هسه خاله منا لذاك الوقت الله كريم ...
سوزان : لا حته اذا رجع يزن يعقد عليها . واحسن الها رجلها شاهده ومتخرج ومخلص احسن ما تضل هنا تناحط مناحط ....
ليلى : بعد روحي الله بعد وكت هلحجي . وامني اني هم بعد ما الي نيه هسه ازوج بناتي نهائيااااا ...
.
.
.
كوثر وساره .......
........
كوثر: نزلنه من الدرج وسمعنه هلحجي الي صار . اني بوكتها كلش انقهرت . وصعدت ابجي . نزلت بس ساره وساره هم ضاجت وكالت : هاي شنو بكيفهم يقسمونه احنه ما عدنه رأي يعني ؟؟؟؟
......
ساره ....
نزل سلمت على بيبيتي : شلونج ماما سوزان ....
سوزان : هلو ماماتي يروحي . ما شاء الله ليلى ومقسومه بلنص هههه ....
ساره : هههه اي اشبها بس ماما احلى ....
