استاذي ....
زينب علي .....
________
البارحه فتحت رسالتين ع الخاص وحده كاتبتلي : ست زينب اطلب منج طلب اكتبي كلام ساره طبيعي لان ما اعرف اقرا عدل بلغين . هذا البارت حلو عاشت ايدج
طلعت وما رديت عليه ونزلت ع الرساله الجواها لكيتها كاتبلتي : ست زينب الله يخليج ليش ممغيره كلام ساره لحرف الغين حتى احس هلبارت ممل ومابي طعم .
زين اني بهلحاله شسويلجن مثلا ؟؟؟؟
بس اكولجن : ارحمو من في الارض يرحمكم من في السماااء
_______________
لابسه الطرحه البيضه ومنتظره اشوف الانسان الي احبه من خلال التور .
وكل دقيقه تعدي تزيدني اشتياق . لحد ما صاحو اجو العريس . واني اباوع عليه دخل بطولهوالفارع وعيونه الحلوات ورصعه خده الي مبينه من وره لحيته وهو يضحك ويسلم على امه .
كلبي كام يدك خوف وفرح تمنيت اعيش اسعد ايام حياتي تمنيت منا وجاي اضغط على زر انتهاء المشاكل وكل شي راح يبدي راح يكون وفق قانون واحد وهو : الحب .....
كعد بصفي يضحك وهو يكلي : طااالعه لعابه ....
فرحت لحجايه : يااا الله اول حجايه حلوه بلقفص الذهبي .
جاوبته بخجل : وانت هم ....
اباوع للموجودات كلهن منبهرات بجمال عادل الجمال العربي الاصيل رفعه الحاجب وي العيون السود .
بده موكب الزفه يتحرك وبدت امي تنقل اخر جنطه اليه بسياره العريس .
واثار انين الوداع ما قبلت امي تبجي وحاولت كل وسيله اوخر دموعي وحاجيتها بتوسل : يوووم فدوه لتبجين افرحيلي بلكي الله اعيش حياة سعيده ....
ليلى : الله يسعدج ويهنيج جول عمرج ....
اما ساره فجانت حامله الهم الاكبر من فراق اختها : وج عيني كلبي حيطك عليج . ما حاسه بفغاكج (فراكج ) من جنت بامغيكا (امريكا ) هيه احسج غاح تغحين (ترحين ) بجزغ (بججزر ) الواقواق ....
كوثر :ههههه دمسحي وجهج لا يشوفج يزن خشمج جنه كلوب احمر ههههه ....
طلعت واني فرحانه تاركه ثنين ورايه يبجن وحرب اخويه الصغير يبجي لفراقه اليه . من كل عقله انتظره من يكبر حتى يزوجني بعده لحد الان ما رابط وي الواقع .....
صعدت بلسياره جان لازم موبايل اشرتله موبايلك وين ....
شاله وانطانيا :
دخلت على الرسائل وكتبلته : خايف ....
شافها وكلي : لا
سألته : وين راح نروح ؟؟
جاوبني : مفاجأه .....
خلال دقايق وصلنه لبيت صغير ونزلنه يمه . ضليت متعجبه شنو هاي ....
