استاذي .....
زينب علي .....
________
شويه واجه لواء وكال يلا خل نتوكل ما ضلع عدنه بس ساعتين نعبر بيها . ساق بسرعه جنونيه وهو ينتظر دوره لحد ما وصلنه لصديقه تقرب ع الجامخ يباوعلنه دنك يم لواء يكله : جايب حفنه نسوان وياك متكلي ....
بوجه جامد لواء كله : وبعد عندي ثنين بلسياره الورايه . دير بالك عليهم ....
دك ع السياره يلا اطلع ....
طلع على كيف وهو يمشي لحد ما طلعت سياره ظاهر ارتاح . مشينه سويه ..
اول ضحكه ضحكها لواء خلال هذني اليومين اطلقها بسوريا وهو يشاقه ويكول : اتصور وره هليومين انكطع الخلف عندي ....
ليلى :ههههه لووواء انت بيا حال ؟!!!!
لواء : الله كريم انحلت لتخافين ......
.
ليلى :
...........
اول وصولنه لسوريا وعبرنه الحدود بجيت بجي ما باجيته بعمري على بلدي واهلي وبيتي وغربتي والله يعلم شراح يصير بعد ....
اجرنه فندق علما ندبر امورنه . وكعدنه بي اخذنه غرفه ٣ غرف كلمن غرفته وبهذا اليوم لواء بات يمي . والليل كله ما نامه ابد ولا غمضت عيونه وبس يجرب جكاير بحيث كعدت من النوم نفسي مقبط من ورا ....
لواء يمعود شبيك ....
لواء : شبيه بعد شيصير اكثر من الي اني بي بيوتي . وحلالي اني عايف ٣ بيوت املاك . عملي وشغلي وبلدي . هسه ششتغل ابيع ملابس لو ابيع احذيه . متكليلي ....
ليلى : لواء كول يا الله الي خلقك ميتخله عنك لازم اكو شي ان شاء الله ....
سكت لواء وحتى ما حجه وياي ولا كلمه . وابو الفندق عرفنه شاردين . واجه للواء ويحاول يستدرجه لضاهرة المخدرات وكعد يذرعله بلنجنه تعيش ملك . خلينه نتاجر بلصنف والربح نقسمه
لواء اعصابه نهارت اخر كله انت لو بلعراق جان دستك برجليه . وصارت مشاحنات بينه وبين ابو الفندق . وكام يصيح ... ( يلااا انألع ( انقلع ) )
لواء صار اعصاب وهم لملمنه جولاتنه وطلعنه وهو منهااار الى درجه . نمشي بلشارع وهو ويانه ويدور هو وضاهر كلمن بكتر . لحد ما لواء لكه شقق فأجر وحده وهذني الشقق يكون مفروشات ويصوحولهن شقق مفروشه بيهن فرش بسيط ومن ضمنهن التلفون والنلفزيون بس يكوون شويه اغله حتلو جان بنائهن قديم ومهربش . لواء ما عجبته بس مجبور وين يروح . هو متعود على مكانته الراقيه . هسه السكف ينث علينه وين يتمشي ويا ....
.
.
.
لواء : هاي كل احنه بيها لحد ما الله يسهل ونشوف وضعنه .
ضلينه بيها خمس ايام مدعثرين حتى ملابس ما. عدنه . وبيوم السادس جنه مجموعين ع الغده كال ظاهر : يابه من رخصتك اني شفت شغل ؟؟!!!
صفن عليه لواء : شنو من شغل !!!
ظاهر : محل مال زوالي . وسجادات ...،.
