سلام عليكم ورحمه الله وبركاته ....
قربنه نوصل على نهايه القصه . والقصه كلها احداث ومثل مشفتو مرت بضروف وسنوات وحكام ودول عديده ..
قصه عائليه حالها حال اي عائله تقريبا صار وياها الي صار بقصه استاذي ....
لحظات اذكركم بشي مهم ....
عمررري ما حاولت اكتب لأرضاء فئه معينه او طبقه معينه او مثل ميكولون لجذب الهواة المنحرفين مثل ما كتبولي هواي . كلما بلموضوع نقلت القصه بحزنها وبفرحها ومتعتها وتشويقها وانتظارها .....
مراح اكلكم اني واني واني وابو المثل يكول من مدحه نفسه ذمها بس قصصي تختلف عن بقيه الكاتبات .. ما اكولكم اني احسن وحده وافضل كاتبه لااا اكو كاتبات افضل بهواي ويمكن ممحققات شهره ع الصعيد المهني ومن ضمنهن ست زينب الموسوي .
بس مع هذا اني قصصي والله اختارها من بين الاف القصص الي تنطرح عليه . ....
نجي لقضه اخرى قضيه هذا الرمز 🔞🔞
تعرفون كلمه شيبتو راسسسسي ... اي شيبتو راسي . طبعو الحجي لفئه معينه مو للكل . بس حتى اوضحلكم اكو سياسه بلواتباد من اريد اجي اكتب قصه كون تحدد بفئه عمريه محدده وبلتالي اني اكتب للبالغين فمن احدد القصه للبالغين مجبوره احط 🔞 لان في حاا تم تقديم بلاغ عليها البلاغ راح ينرفض لان اني عالنه مسبقا انو القصه +١٨ هسه تجي وحده تكلي ما فهمت !!!!
افهمج !!! يعني مثلا لو محاطه +١٨ واني اكتب هلوصف الي اني اريده يميز قصصي . اييي وحده تقدم بلاغ ٢٠ بلاغ تنحظر القصه .وبعد متنرفع ... طبعا هاي اكو نفوس ضعيفه هوواي اعداء نجاح يطبون يعلقون بس يشوفون ردي عليهم يبلغون ويطلعون او حتى اكو بنات هواي حاظرتهن سون حسابات ودخلن بلغن ع القصه وطلعن . فهلشي ضامن حقوقي اني مو ختى مثل ما اكو نفسيات تجيني كل شويه * دتكتبين للمنحرفين حتى يجوج متابعين *
الله وكيلكم من اول ما بديت الكتابه تابعوني يمكن ٦٠٠ متابع .وبكل قصه تلكون بسسس ٦٠٠ متابع متفاعل وبسسس .
هسه صار معلوم ع هاي المعلومه لو تردون بعد ادز بصمه صوتيه حتى توصل اكثر ...
نرجع هسه لشي معين ما سمعت يوم من الايام بشر كامل والكمال لله .. وكل الي سمعته البشر خطاء ويقترف الذنب . وكل احنه عشنه فتره حب وغرام ختلو كبل مجان اكو فيس وتواصل ويمكن جانت البنات اكثر يعني تستحي حبت بكلبها وبلتالي هذا شي طبيعي والي تكول اني محبيت اكولها جذابه وهسه لو تفتحت كلبها واشوفها صدك محابه هم اكلها جذابه هلشي قطعي ماااكووو مره محبت . اني جان اول حب بحياتي ساسوكي هههههه واستمرت لحد ما صار طموحي بوراك (التركي ) الي ما اعرفه اسمه الحقيقي شنو ....
المهم (والكلام موجه للبعض ) لتصيرون عقد وحاله نفسيه ومن تلزمن الموبايل احس تردن كبل تسجلن كووول . وعود اني يابه شريفه وما حبيت .. تره الشرف ما اله دخل بلحب ... شنو يعني كل الي حبت مو شريفه ؟؟؟
كبها ددور كرامه وين كرامتج وين عزه النفس شبيج ساره شبيها كوثر ... هلشي حب والكلب يحب ويختار حالهن من حال كل الشعب العراقي . ليش تحللن هلشي على نفسجن وتحرمنه على غيرجن .
زين شنو ذنبه الانسان حب يشارك القصه مالته ويخلي لغيره عبره حتى ليمر بيها غيره ......
بلمناسبه الي نقلولي القصه ساره وكوثر فماااا كووو بنات يقبلن ينحجه على امهن بلطريقه الي بعض المتابعات حجو بيها . يعني مثلا لو نحسب عمر ليلى هسه يطلع ٥٥ سنه تقريبا بعمر امي . الله يخلي امهاتجن ويحفظهن الجن . فمو معقوله اجي اطرحه قصه واقره وحده معلقه : والله انتي كاتله روحج ع جاسر بيج دوده بس متكدرين تاخذينه ...
والله حظرتها وما نشفه كلبي ... امانه والله تمنيت صدك اضربها راشدي . شنو هلحجي هذا ووووين عاااايشه اكو وحده هيج تحجي . هسه بس اريد افتهم هيه بلذات الي حجت هيج تقبل تكول على امها بيها دوده .....
لا النوب اكولها شنو هلحجي متستحي اخلاقج شلون سمحتلج هيج تكتبين تكولي انتي كاتبه عيوووني عزيزتي ( هاي عيوني وعزيزتي مجلبات بيها ) لازم تتقبلين النقد ....
يا نقد هذا الي دتحجون عنه ... هذا استخفاف بمشاعر الاخرين وعباره عن امراض نفسيه تريد اطلعها بغيرهااا وهيه كلها جاهله وحمقاء . عن يا نقد تحجين وانتي مريضه نفسيا ...
ولو سالفه وحده من متابعاتي خل يتخبلن : لعد مستشفى المجانين المن مخليها ....
هسه هنه الوووااا لو يرحن يتعالجن وميجن للقصه مالتي ويشلعن كلبي .
لا واحلى شي عود يابه تجيني بصيغه ادبيه : عزيزتي هذا نقد ...
وخلي كون بعلمكم ( للبعض طبعا ) حتلو تقدمنه الف بارت والف قصه هم الي تعلق تعليق ممحترم تنحظر
وحتى اكون منصفه للطرفين حظررررت هووووواي الله ليجذبني اكثر من ١٠ اشخاص كل بارت اني حاظره وانتو احسبو كم واحد يصيرةن من بدايه القصه لحد الان ....
اكو هواي اتنقدن اسلوب يزن وهواي انتقدن اسلوب جاسر وليلى ولواء وسلمان وساره بس بادب ويمكن تعليقاتهن جنت كلششش افرح من اشوفها لان انتقادهن دليل ثقافتهن انتقدن من نواحي معينه وسلوب معينه بدون ميتجاوزن .
اكو وحده معلقه لوحده : احسن من عمار الحكيم الي باك العراق ...
زين عمار الحكيم باك العراق احنه شعلينه شجابنه بلنص . قصه دتنطرح بجمليتها ليش تدخلون هالطائفيه والسياسه بلموضوع تخلون القصه تجرد من جماليتها وتلبس ثوب مو الها . .
.
.
وبلخاتمه انشاؤ الله البارت القادم يوم السبت ؟؟؟؟ واذا لحكت راح انشره يوووم الجمعه بس اتمنى تنظروني لان ما اريد اختصر
