استاذي .....
زينب علي .....
________________
في اميركا .......
.........
ابو لواء : صار لازم ارجع للعراق ....
سوزان : شترجع ابو لواء متشوف وضعك شلونه .....
ابو لواء : بعد ما بيه احس ملك الموت يفتر فوك راسي .
سوزان : اسم الله دخيلك اللهي .....
يزن : كول غيرها يابه شنو القصه ! ليش هلتشائم ....
ابو لواء : يزن اذا عشت ورجعت للعراق تحلم اخلي ساره ترتبط بيك .....
يزن : هسه شنو محله هلحجي ... شجاب هلحجي هذا هسه . يااابه الله يخليك . اذا اكو امل ارتبط بيها فانت كرهتني حته بأسمها . الله يخليك يابه اعتقني واعتقها من عمرها يوم كتلي هاي الك . تذكر ساره اكثر ما تذكر ربك .....
دار وجهه ابو لواء متغاضي حجي يزن وهو يوصي سوزان : حاولي تشوفيلي واحد يمشي بأجراءات رجعتي ....
يزن : شنو تشوفلك واحد شنو اني خراعه خظره . هيه كفازه . وبعدين واني شنو اضل وحدي . تعوفوني وحته دراستي ممكملها ....
ابو لواء وهو يصيح بطاقه باليه : اسكتتتت احسنلك . ابو النسوان انت ما جاااي تدرس جاي تشبع نفسك وبعدين من ترجع للعراق تريد وحده ماضيها عفيها ولهل سبب لا يمكن اخليك تاخذ ساره . وبعد ما اريد اشوفك خاف اضل روحي بيدك وتدفني بامريكااا ....
يزن : وحق الله راح اتخبل يابه انتم شلكم دخل بيه . انام وياي فلانه وي علانه انتم شلكم دخل . ذاك ابنك لواء من وحده لوحده شو ما تحاجي . وبعدين اني ممقتنع بساره وحته زواجي منها حرام ميصير يجوز تاخذ واحد احسن مني . وشي ثاني اني شوكت عايفك وتكول ادفنك بامريكا . يابه تره انت كرهتني حته بروحي . شنو الي مقصر بي وياك حته هيج تحجي ....
ابو لواء : دبر رجعتي للعراق وكلشي ما اريد منك ...
سوزان وجهت الكلام ليزن : شو روح يوم شو كوم خلي ابوك براحته ......
عافها يزن وكام . وهيه توجهت لسلمان : الله يخليك سلمان شعدنه راجعين مدام دتمشي على نضام وكل شهر يغيرولكيا يا عيني انت حاطيلك جهاز يا عيوني ....
ابو لواء. : سوزان اني يوم عن يوم جاي اتعب صدكيني احس ما عندي قدره حته اكل . مكاني مو هنا . كلما اكبر كلما اخطئ بحياتي . غلط طلعتي من العراق اساسا لو ميت بلعراق هواي ارحم بعيد عن بيتي ....
سوزان : ارتميت بأحظانه وخوفي من بعده صارله كم سنه كبال عيوني راغمه روحي بلعيشه ومتناسيه هلموضوع : اسم الله عليك سلمان واني ما فكرت بيه . ساره ولواء وجاسر ويزن وكوثر وظاهر وعدي والبيت كله ... واني سلمان ما فكرت بيه .
سلمان : ههههه والله لولاج فلا عشت . انتي انيست زمن طويل عشته . انتي الحقيقه بهذا الضياع .
