استاذي ....
زينب علي .....
_________
لا لواء الله يخليك لتسمع كلامه . لتجور عليه فوك ما الزمن دولبني ....
اشرلي باصابعه وهو يكلي لتقتربين
لواء : خلااااص ما بيناتنه شي يحجه ابد بعد
طلع لواء وراح هو ويزن . واني ركضت ورا . لووواء لووواء . بس احاجيك .
ع كد ما جنت مشدوهاا وكلبي يسولف عثرت بلزوليه وهيه عثره حسيت رجلي طكت صحت بصوت عالللي : اااخ .
رجعلي لواء وهو يكومني : شبيج ؟!!!
حاجيته واني باخر امل عندي : لتبيعني برخص الله يخليك ....
لواء : دكومي دكومي ...
ردت ادوس على رجلي ما كدرت . فدوه لعينك لواء رجلي كلش دتاذيني ...
لواء : يزن جهز السياره يلا خل ناخذها ببمستشفى .
صاح بصوت عالي كوثر تعاي جيبي لامج عبايه . احتي كوثر تركض وهيه دموعها على خدها .
لبست عباتي وطلعت ويا واني كلبي يحجي بلعتاب كبل لساني : ما اريد اروح وي يزن اريد اذا تاخذني انت اروح واذا يزن ياخذني هسه ارجع .
لواء : اصعدي ولتعاندين .
ليلى : عوفني هسه ارجع عسما يصير بيه كنكرين ولا اصعد وي يزن ....
يلا تعاي ولتتمزعطين مو وقت هلحجي ابددد ....
صعدت ويا ويزن اخذ سيارته وراح للبيت .
لواء : شعندج وي يزن ؟ متستحين تحجين هيج كدامه ...
ليلى : جان هو استحه من دخل على بيتي مثل المداهمه . عبالك يريد يكمشني بلرجم المشهود ....
لواء : اول وتالي اني ابو . والشي الخطأ ميرضاليا ....
ليلى : هااا يعني العايبه طلعت مني ؟؟؟؟؟
لواء : وتسالين هم يعني لسه بعدج ممتأكده ؟!!!
ليلى : يااا ريت تخلي نفسك مكاني وتحس بلي اني احس بي ... يا ريت الله يبدل اماكنه وتشوف الي عيوني تشوفه ....
لواء : اي بلا ششوف عيونج ؟؟؟!!!!!
ليلى : انت ليش مترضه تقتنع انو جاسر جان زوجي . وابو بناتي . انت ليش متاكد مني راح اخونك ؟؟؟؟ تره مستحيل اسويها ....
لواء : شو سدي خلكج ؟؟!!!!!!
ليلى : مراح اسد حلكي انت دمرتني من اجه لسه . بما انو عرفت بي عايش لازم تحسب حساب يجي يوم ونلتقي وبلاخص هو عباله اني ميته . وفوك كل هلضيم يجيني يزن يجملها عليه ...
لواء : محجه شي لتتهمين باطل .،...
ليلى : ما اتهم .... ما اتهمممم واني اسمه بذاني يكلك طلكها .....
