لم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
** يقف فهد امام هنا متعجبا من أمرها فهي كانت تتمني ان يطلقها
فهد : انتي مش عايزه تطلقي؟
هنا : مش عارفه يا فهد أنا جوايا حاجات كتير متلغبطه مش عارفه ازاي وامتي قررت اني أفضل معاك اني أشوف معاملتك معايا وبالرغم كده أحبها، أوقات بخاف منك وأوقات بكون مبسوطه وانت جمبي وبتحميني وخايف عليا
فهد : جوازنا كان تصرف غلط من الأول دخلت حياتك قلبتها،، لكن خلينا في اللحظه دي قدامك فرصه زي كل مره يا نكمل يا مانكملش واياََ كان إختيارك المره دي مش هزعل منك وهنفذلك اللي انتي عايزاه حالا.ََ…
هنا : ممكن نسيبها للوقت
فهد : ليه؟
هنا : لما نتعود علي بعض يمكن نكمل…
فهد : ويمكن ما نكملش هتعيشيني في حلم مش عارف هيتحقق ولا لاء
هنا_بحيره : انا… مش عارفه اعمل ايه
**نظرت هنا ل فهد الذي حاوطها بذراعيه وحضنها ثم قبل شفتيها فلم تبتعد عنه وحس فهد بأستسلامها فقبلها مرات متتاليه وجذبته هنا لحضنها أكثر فهمس في أذنيها : بحبك
هنا _بفرحه : وانا كمان بحبك
**وبعد ثواني توترت هنا وحس فهد بها فأخذها وجلسوا علي الأريكه ثم قال لها مبتسما
فهد : انسي اللي في دماغك انا من دلوقتي مش هغصبك علي اي حاجه
هنا : انا مش عايزاك تزعل مني..
فهد : بالعكس دا مايزعلنيش عايزك تبقي براحتك عشان دي الخطوه اللي مفيهاش رجوع انا بس عملت كده عشان مشتاقلك
**فرحت هنا بكلام فهد وحضنته هي ثم قالت : مش هنتمشي شويه علي البحر
فهد :هنتغدي وهنتمشى
هنا : خلاص هقوم أخد دش والبس عشان تغديني بره
فهد : حاضر بس خفي طلبات عشان بتخنق
هنا _بتلقائيه : معلش انا فعلا زنانه قوي وانت لسه دافع كتير في الهدوم خلاص ناكل هنا
**قبلت هنا فهد قبله رقيقه علي خده وأخذت ملابسها ودخلت الحمام وكان يتابعها فهد ثم تذكر مواقفه مع سيلين التي كانت لايهمها معه فلوس ام لا وكانت طلباتها زائده عن الطبيعي ولم يفرق معها حبه بل معه كام
فهد _لنفسه : الفرق كبير أوي بينك وبينها يا هنا
**في بيت حنين تجلس رقيه علي السرير وتعطيها حنين الدواء فتأخذه
حنين : يا ماما تعالي نروح للدكتور تاني وكفايه مسكنات اكلم فهد يبعت دكتور
رقيه : لاء مش كفايه الفلوس اللي بيبعتهالنا كل شهر كمان هيبعت دكاتره لغايه هنا
حنين : وايه يعني هو معاه قليل
رقيه : كفايه اللي عملته اختك فيه وخيانتها ليه واحد غيره مكانش بص في وشنا تاني…
حنين : يعني هو ساب حقه ما هو قتلها
رقيه : راجل مين اللي كان يسيب مراته عايشه بعد ماشافها مع غيره الشرف مافيهوش كلام
حنين : علي قد ما انا مقدره الموقف اللي كان فيه على قد ما انا مقهوره علي حرماني منها 😭
** خرجت هنا من الحمام وكانت ترتدي ملابس الخروج فقام فهد من علي الأريكه ونظر لها بحب فهد : هدخل انا كمان اخد دش سريع تكوني جهزتي
هنا _تبتسم :حاضر بس ما تتأخرش
**دخل فهد الحمام واخذ ملابسه ووضع تليفونه علي الترابيزه فإلتفتت هنا رأت باب الشاليه مفتوحا ومفتاحه ومفاتيح السياره معلقين به وقد نسي فهد ان يقفله مثل كل مره ….
**تقترب هنا من الباب وتفكر…
هنا _لنفسها : الفرصه كلها قصادك المره دي يا هنا اهربي كل حاجه متاحه…
