** في منزل هاشم تجلس عفاف بالبلكونه وتفكر واضعه يدها علي خدها ثم يأتي لها هاشم بصينيه عليها كوبان شاي ويضعهما علي ترابيزه صغيره أمامها ثم تشكره فيجلس هاشم قائلا …
هاشم : يارب يعجبك
عفاف : كتر خيرك، قولي هتعمل إيه في المصيبه دي؟
هاشم: هعمل إيه لوكنت أعرف أعمل حاجه كنت عملتها بنتي في إيده والمشكله كمان أني مابقتش مطمن من ساعه لما مارضيتش تسيبه في المستشفى
عفاف : تفتكر يكون أثر عليها؟
هاشم : خايف أوي من كده هنا طيبه زياده عن اللزوم والموقف دا كان أصعب موقف تقابله في حياتها وهو عنده علي طول إختيارين واحد سهل جدا لكن ليه توابع وواحد يجيب النهايه أيا كانت
عفاف _بحزن : ياحبيبتي يا هنا الله يكون في عونك دي نظرته لوحدها ترعب
هاشم : ربنا يستر
عفاف _ بتردد: طب سؤال يا أستاذ هاشم… هو لو فعلا تمم جوازه منها وبقت مراته رسمى هتعمل إيه؟
هاشم _ بجديه : تبقي بنتي ضربتني بسكينه تلمه في ضهري
لإنها قررت تفضل معاه وماترجعليش وساعتها تبقي هي اللي إختارت
عفاف : بس هيكون غصب عنها معلش انت ذات نفسك مقدرتش تبعده عنكم هي هتبعده ازاي وهي بطولها ولوحدها
هاشم : لاء هي جاتلها فرصه تعرف تسيبه وتمشي وانا كلمتها وقولتلها لكنها ماسمعتش كلامي
عفاف _لنفسها : أستر ياللي بتستر
** تخرج هنا من الحمام وعيونها دامعه فيقترب منها فهد الذي كان متعجباََ من حزنها،، يأخذ منها الفوطه التي كانت علي رأسها ويقف خلفها ينشف شعرها برفق وينظر لها بالمرآه
فهد : اول مره أبصلك مفهمكيش
هنا _ بحزن : ليه؟
فهد : من شويه كنتي في حضني ودلوقتي بتبعدي عينك عني للدرجادي زعلانه من اللي حصل بينا؟
**تبعد هنا عن فهد وتنزل دموعها
فهد : انتي ندمانه يا هنا؟ طب ليه؟
هنا : عشان نسيت انت اتجوزتني ليه ودخلت حياتي عشان مين.. مش عشان صادق اللي بكلمه منه دلوقتي هتبعد عني وتسيبني مش انا بالنسبالك مجرد وقت لغايه ما القضيه تخلص
**يقترب فهد من هنا ويمسك ذراعيها بحنيه
فهد : اتجوزتك عشان حبيتك عشان خطفتيني من ساعه ما كنت بشوفك وبراقبك.. عشان فتحتي قلبي اللي اتقفل وطيبتي جرحي اللي مابطلش ينزف.. مستحيل هسيبك يا هنا بعد ماحسيت ان الدنيا بيكي فتحتلي بابها تاني
هنا : صادق هيفضل بيني وبينك لما تبطل شغل معاه بسببي هيخليك تبعد عني
فهد _بتعجب : ابطل شغل معاه ليه؟
أنت تقرأ
نصيب الفهد ل صفيه صالح
De Todoلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
