** في بیت سلمي یقرأ كریم فاتحتها مع أسرتهما وتزغرد شروق ویفرح الجمیع
كریم_بلهفه : نحدد بقي معاد الخطوبه الأسبوع الجاي كویس؟
سمیر _یضحك: بسرعه كده
حنان : شكلك مستعجل یاكریم
منال : جداَ يا مدام حنان
عماد : الوقت اللي یحددوه یا بني اهدي شویه
سمیر _ل سلمي : شوفي یا حبیبتي عایزه وقت قد ایه عشان تظبطي مواعید شغلك واجازاتك
عماد_یضحك : ماتشغلش بالك بالشغل الجامعه بتاعتنا
شروق : بس قرري بسرعه عریسك مش علي بعضه
كریم : شكلك فاهماني یا شروق
عماد: خلاص نخلیها الخميس اللي بعد الجاي یكون حفل التكریم خلص
حنان : هتلحقي تفصلي الفستان یا سلمي؟
سلمي : لا هیاخد وقت
منال : الفستان هدیه مني لیكي من أحلي وأكبر مصممین الأزیاء في مصر ولو عاجبك اي مودیل برا مصر ابعت أجبهولك برضه
عماد : حماتك هتدلعك دلع یا سلمي ربنا یستر كریم مایغیرش علیكي منها
حنان : هو الأبن الوحید كده
منال _بحزن: للأسف هو مش وحیدنا كان لیه أخ وإتوفي وربنا عوضنا ب كریم بعده عشان كده واخد
الدلع والحنیه كلها
سمیر:ربنا یرحمه ویبارك في كریم
عماد ، منال : یارب
حنان : خلاص اتفقنا الخميس اللي بعد الجاي الخطوبه إن شاء االله
كریم_بسعاده: اتفقنا
** یهمس كریم ل سلمي وهو ینظر لعیونها التي تلمع من الفرحه
كریم : مبروك یا حبیبتي
سلمي_بخجل : االله یبارك فیك
**في صباح الیوم التالي بغرفه رقیه بالمستشفي تقف حنین وهنا وفهد بجانبها
رقیه _بتعب: انت كویس یا بني؟
فهد _یبتسم بحزن: هبقي كویس لما تقومي بالسلامة
رقیه : أقوم إیه خلاص.. بنتي سیلین بتنادیني
حنین _بدموع: لا یا ماما ماتقولیش كده انا مالیش غیرك هتسیبیني لمین؟
رقیه : هسیبك لأخوكي فهد مش هبقي خایفه علیكي طول ما انتي جمبه.. ومراته بنت ناس وأصیله
هتخلي بالها منك وتعوضك
هنا : ما تخافیش علیها بس حاولي تقاومي تعبك وتقومیلنا بالسلامه
هي محتجالك أكتر
رقیه _تمسك ید حنین: كله نصيب مفیش وقت أوعدیني یا حنین انك ما تأذیش فهد وانت أوعدني انك ما تأذیهاش ولا تخلیها تأذي نفسها
فهد _بحزن : أوعدك
رقیه _تحتضر: حنین أوعدیني
حنین_تبكي : أوعدك یا ماما
رقیه: أشهد أن لا إله إلا االله وان محمد رسول االله..
فهد : انا لله وانا الیه راجعون
حنین _تصرخ : ماما...
**یغطي فهد وجه رقیه بالملایه وتبكي حنین وتصرخ فتأخذها هنا في حضنها وتطبطب علیها وهي
تبكي وتتذكر یوم وفاه أمها عندما كانت طفله لا تتعدي ال خامسه عشر عاماً
** ینهي فهد مراسم الدفن والعزاء الذي أقامه بأحد المساجد وفي طریقه للبیت یقود سیارته وبجانبه هنا
وخلفهم حنین التي تري حیاتها سراب كفضا الشوارع لیلاَ لا حياه ولا إطمئنان
هنا : حنین انتي كویسه؟
حنین _بحزن : الحمد الله
فهد : انتي هتقعدي معانا ماینفعش تفضلي لوحدك
حنین : لاء مش هینفع لازم اروح
هنا : حنین إسمعي كلام فهد مینفعش تقعدي لوحدك الیومین دول هتتعبي زیاده والحاجة رقیه موصیاكي ووصیه المتوفي واجبه
حنین _بقهر: االله یرحمها
فهد : نروح البیت عندك تجیبي حاجتك وترجعي معانا
حنین : اللي تشوفوه
** صباحاً تحضر هنا الفطور وتضعه علي ترابیزه بحدیقه الفیلا وتقف حنین تساعدها ویقف ماجد وحمید وأخرون حول الفیلا یحرسوها
فتتصل سلمي ب هنا وترد قائله
هنا : الو
سلمي : صباح الخیر یا هنا
هنا : صباح النور وحشتیني
سلمي : وانتي كمان أخبارك ایه
هنا : انا كویسه الحمد الله
سلمي : دكتور عماد قالي أبلغك بمعاد الحفله السنویه
هنا : لسه مش عارفه هحضر ولا لاء
سلمي : مفیهاش لاء دي یا هنا لازم تبقي معایا انا اول مره اتكرم في الجامعة المنحوسه دي
هنا _بفرحه: مبروك یا سوسو تستاهلي واالله
سلمي : االله یبارك فیكي وكمان عندي خبر هیبسطك أوي
هنا : ایه هو؟
سلمي : كریم أتقدم لأهلي
هنا _ بدهشه : كریم؟!
** يخرج فهد من الفيلا وينتبه لمكالمه هنا
سلمي : ایوه كریم.. مستغربة لیه؟
هنا _بتوتر :أفتكرت فیه كریم غیره یعني
سلمي : لاء هو واحد بس والخطوبه الخميس اللي بعد الجاي
هنا : الف مبروك یا سلمي ربنا یتمم لكم بخیر
سلمي : هتیجي؟
هنا : هاجي طبعاً
سلمي : طیب أشوفك في الحفله
هنا : ان شاء االله.. سلام
سلمي : سلام
هنا _تقفل التلیفون وتنظر ل فهد
فهد : بتكلمي مین؟
هنا : دي سلمي كانت بتقولي علي معاد حفله الجامعه هتتكرم السنه دي
فهد : وانتي؟
هنا : انا اتكرمت السنه اللي فاتت واللي قبلها
فهد : یعني لولا اللي حصل كنتي اخدتیها السنه دي كمان
هنا : كل اللي في الجامعه یستاهلوا یتكرموا بس المفروض انا اروح عشان تخرج الدفعه والطلاب
فهد _بنبره غیره: وبتقولك ایه عن كریم؟
هنا : بتعزمني علي خطوبتها هي وكریم
فهد : هو ملقاش منك رجي دور علي سلمي
هنا : لاء هو اكید عرف سلمي قد إیه بتحبه
حنین : هیخطبها عشان بتحبه؟
هنا : أكید هو كمان هیحبها الأیام معاها دوا القلوب
** إبتسم فهد ل هنا ومسك یدها ونظروا ل حنین التي إبتسمت وكأنها إطمئنت من كلامهم..
وشدوا أجزاء أسلحتهم بین قامت هنا
وفجأة توقفت ثلاثة سیارات أمام الفیلا فإستعد الحراس جمیعاً
ووقفت وراء فهد بسرعه بینما شد ماجد ید حنین وجعلها تقف خلفه لیحمیها♥♥
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
