لا يعرف أحدنا ما هو نصيبه وماهو مقسم له من تقسيمات القدر ويختلف مايريده البشر عن بعضهما البعض ولا تأتي الرياح بما تشتهيه السفن …
**بإحدي الجامعات الخاصه وبداخل قاعه محاضرات يجلس الطلاب هادئين متابعين المعيده الشابه هنا وهي تدرس لهم ماده التسويق ويدخل مدير الجامعه عماد لم يلتفت له احدا ويقف معجبا بشرح هنا وبتركيز طلابها معها حتي تنهي هنا محاضرتها وتسألهم
هنا : اي إستفسار حد عنده اي سؤال
عماد : انا عندي استفسار
** تلتفت هنا والطلاب ل عماد و يقفون
هنا _تبتسم : اتفضل يا دكتور
عماد : بتوزعي عليهم ايه قبل المحاضره عشان يركزوا التركيز دا
رامي طالب: دكتوره هنا بتوزع علينا امل في المستقبل سهوله شرحها واتقانها خلاني انا وزميالي نعمل مشروع صغير ونسوقه كويس
سهام طالبه :ماشيين على خطواتها بالظبط
عماد : مش كل حاجه مكتوبه عندكم في الكتب؟
مريم طالبه: الكتب كتير يا دكتور بس لما نلاقي حد بيساعدنا وبيفهمنا من غير اي مصلحه بيقوينا وبيخلينا ننجح
عماد : يعني استني من الجميع دراجات نهائيه؟
جميع الطلاب : ان شاء الله
هنا _بفرحه :انا فخوره بيكم بجد
** في مكتبه بمنزله يجلس المحامي المعروف هاشم مختار وهو رجل في الخمسين من عمره يرتب بعض الأوراق الهامه ويضعها في دوسيه ويكتب عليه صادق نعمان ويضعه في خزنته التي يخبأها خلف لوحه معلقه علي الحائط ثم يتصل ب هنا ابنته فترد عليه وهي تخرج من الجامعه
هنا :الو ازيك يا حبيبي
هاشم :الحمد لله انتي فين؟
هنا :لسه مخلصه محاضرات
هاشم :طيب يلا مستنيكي علي الغدا طلبتلك بيتزا
هنا _بفرحه : انا جايه لها حالا، اجيب حاجه وانا جايه؟
هاشم :لا يا حبيبتي تيجي بالسلامه
هنا : سلام
**قبل ان تركب هنا سيارتها ينادي عليها زميلها الوسيم المعيد كريم ابن عماد فتلتفت له
كريم :كنتي هتمشي برضه من غير ما تردي عليا؟
هنا : معلش يا كريم مستعجله
كريم : انا كمان مستعجل علي ردك اوي يا هنا
هنا : مش عارفه اقولك ايه بس انا لسه ما فكرتش ممكن نأجل الكلام دا دلوقتي
كريم :خلاص ماشي يا هنا براحتك انا مش عايز ادايقك دا قرارك في النهايه وعايزك تفكري بهدوء
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
