** يقام حفل تكريم الجامعه بحضور عماد عميد الجامعه والدكاتره والطلاب وهيئه التدريس وتستلم سلمي جائزه أفضل معيده جامعيه للسنه الدراسيه ويفرح لها كريم ومنال وشروق وسمير وحنان والديها الذين حضروا لتشجيعها
كريم : الف مبروك يا حبيبتي
سلمي_ بفرحه : الله يبارك فيك
منال : برافو يا سلمي عقبال مانباركلك علي الدكتوراه
سلمي : يارب يا طنط
**يرن تليفون سلمي فتري إسم هنا فترد
سلمي : كده ماتبقيش معايا في يوم زي دا ؟
هنا : انا معاكي وشايفاكي زي القمر يا سلمي.. مبروك يا حبيبتي
سلمي : مش هتيجي تباركيلي وتحضنيني زي ماكنت بباركلك
**تقف هنا خلف الستار وبجانبها فهد وتري سلمي والحفل من بعيد بينما تلتفت سلمي حولها لكي تراها وينظر كريم وشروق لها بتعجب
هنا : غصب ض والله اسيبك في يوم زي دا بس كفايه عليا اني شوفتك مبسوطه وكلها أسبوع وأجي خطوبتك انتي وكريم ربنا يخليكم لبعض
سلمي : ويخليكي ليا يا هنا
هنا : سلام يا حبيبتي
سلمي : سلام
**قفلت سلمي تليفونها وإبتسمت للجميع لكي لا يقلقوا عليها بينما ذهبت هنا وفهد للسياره وبالطريق شردت هنا قليلاً
فهد : هنا.. هنا
هنا _تفيق من شرودها : نعم
فهد : قولتلك نروح تلبسي وتيجي تقفي جنب صاحبتك
هنا : مالوش داعي خلاص الحفله خلصت
فهد : شكلك مدايقه
هنا _بنرفزه : خلاص يافهد ما تشغلش نفسك بيا
فهد_بغضب : انتي بتتكلمي كده ليه؟
هنا _بنرفزه : عايزني أكلمك ازاي؟
ممكن تسيبني في حالي لو ينفع يعني
فهد _بهدوء : ماشي هسيبك في حالك
**نظرت هنا بتوتر ل فهد الذي كان يقود السياره بسرعه وبغضب ووضعت حزام الأمان فعلم فهد بخوفها من سرعته فهدأها حتي وصلوا الفيلا بسلام..
**بالمستشفي يجلس ماجد وحنين أمام باب غرفه حميد
حنين : زعلان ليه مالدكتور طمنا خلاص
ماجد : ربنا يقومه بالسلامة بس انا زعلان عشان فهد حاسس ان فيه حاجه مش طبيعيه من ساعه ما رجع من عند صادق
حنين : عندك حق وهنا كمان متغيره من ساعه ما رجعت من عند اسماعيل.. هما مالهم في ايه؟
ماجد : مش عارف أعمل إيه عشان نعيش كلنا حياه عدله زي باقي الناس
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
