لم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
** تجلس سلمي في بلكونه غرفتها وتطرق علي بابها شقيقتها شروق
شروق : ايه يا بنتي فينك من ساعه ما جيتي من الجامعه
سلمي: هنا اهو هروح فين
شروق: مالك كئيبه ليه؟ حاجه حصلت؟
سلمي : هو ايه اللي بيحصل غير
ان كريم بيفكر في هنا ومش عايز ينساها مش عايز يحس بيا خالص
شروق: القلب وما يريد يا سلمي هتعملي ايه يعني هتروحي تقوليله انك بتحبيه وهو مش شايفك هتقوليله حبني انا وما تحبش هنا
سلمي :مش عارفه اشيله من دماغي يا شروق تعبت بجد
شروق : اتغيري انتي يمكن تلفتي نظره البسي اشيك شويه أهتمي بشعرك بدل ديل الحصان اللي علي طول عملاه دا مش كل ما يكلمك تقفلي معاه خليه يشوف البنت اللي جواكي مش الصاحب اللي واقف معاه في كل حاجه دانتي أرجل من صحابه
سلمي : لاء انا عايزاه يحبني زي ما انا بإسلوبي بلبسي بشكلي بكل حاجه
شروق :خلاص حبي حد غيره
سلمي : انا بحبه هو بعينه الزايغه بخفه دمه بشياكته بكل حاجه فيه
شروق _بجديه :غيري من نفسك لاعيب ولا حرام طلعي البنوته اللي جواكي وهتشوفي الفرق
**صمتت سلمي قليلا وكأنها إقتنعت بكل كلمه قالتها شروق وقررت تغير من نفسها ..
**في إحدي المطاعم علي البحر يجلس فهد وهنا يتناولون الغداء وينظر فهد ل هنا وهي تأكل براحتها وعندما تلتفت له
هنا : مالك بتبص لي كده ليه؟
فهد : مراتي ابص براحتي
هنا : اذا كان كده ماشي
فهد_بجديه : انتي ماهربتيش مني ليه؟
هنا _بحب : عشان مش عايزه اسيبك… انت بقي كنت بتختبرني ولا كنت عايزني أمشي؟
فهد : كنت بديلك فرصه يمكن تكوني فكرتي
هنا : انا قولتلك ان مشاعري متلغبطه بس خوفك عليا لما تعبت وسهرك جمبي خلاني أشوف الجانب الكويس اللي يستاهل أفضل معاه انا فعلا كنت كارهاك في الأول وخوفت علي حياتي معاك
فهد : ودلوقتي؟
هنا : شايفاك كل حياتي يا فهد
فهد : فهد مش مصدق كل الكلام اللي بيسمعه دا انا قولت في أقرب فرصه هتجيبي سكينه وترشقيها في قلبي
هنا _بلهفه :بعد الشر عن قلبك
فهد _بتعجب : هنا انتي بجد
هنا : أقوم أحضنك عشان تصدق اني بجد
فهد : زي ما انتي بيتنا أولي بينا…
**ضحكت هنا علي كلام فهد الذي كان سعيدا بها بشده فعيونها وكلامها وحنيتها معبره تماما عن حبها له الذي لم يحلم به من قبل..
**عاش فهد وهنا يومين سعداء للغايه علي شاطئ البحر وتمتعوا بالطبيعه الجميله وحس فهد بغرام هنا به فعاملها بكل حنيه و حب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
**يجلس إسماعيل مع والده رشيد في مكتب ضابط القسم ويقف عسكري علي الباب
رشيد _بحزن : عامل ايه يا بني وأمك وأختك عاملين إيه؟
إسماعيل : هيتجننوا عليك بس وغلاوتك عندي هطلعك يعني هطلعك وهنتلم كلنا مع بعض لو في آخر الدنيا
رشيد :سيبك مني انا خلاص اتدبست منهم لله اللي كانوا السبب
إسماعيل : ماتقلقش حقك هييجي منهم نفر نفر وأولهم هاشم مختار المحامي الفاسد اللي اشتراه صادق انا عرفت كمان انه جوز بنته لدراعه اليمين فهد الصبار يعني بيرسم علي تقيل أوي…… أنا بقي هجيب رقبه بنته لو ما سلمنيش الورق والأدله
