*** تجلس هنا بجانب فهد على
الأريكه فيقربها منه ويحضنها
فهد : خليكي جمبي
هنا : حاضر هخليني جمبك،، قولي بقي انت مكلمتنيش ليه عن مامتك وباباك لغايه دلوقتي
فهد : امي وابويا ماتوا من زمان وعندي أخين بس هما في طريق وانا في طريق قولت ابعد انا عنهم بدل ما يتأذوا من شغلي وبسببي
هنا : صغيرين ولا كبار؟
فهد _يبتسم : الاتنين اصغر مني فريد مهندس وفؤاد دكتور تحاليل شغالين في بلد عربيه
هنا :وقدرت تبعد؟
فهد : لما تلاقي نفسك هتأذي اللي منك البعد بيبقي أهون
هنا : فهد انت عمرك قتلت حد؟
فهد _بجديه: ايوه قتلت..
هنا : ماندمتش .. ؟
فهد : لاء ماندمتش ولو الزمن رجع بيا هقتلها تاني..
هنا _بتعجب: هي مين دي… ؟
فهد : سيلين.. مراتي
هنا _تعتدل في جلستها وتبعد عن حضنه وبتوتر : مراتك.. ؟! قتلتها ليه؟
فهد _بحزن وغضب : عشان خانتني شوفتها في سريري مع راجل تاني،، من سنه ونص دخلت البيت وشفتهم في حضن بعض فضلت واقف مكاني تايه صوت صريخها وعياطها وخوفها مني هما اللي فوقوني بس للأسف كان اللي معاها سابها وجري ومن خوفه طلع علي الطريق وعمل حادثه ومات بعد يومين….
هنا : وهي؟
فهد : طلعت مسدس وقتلتها… وكل ما افتكر شكلها وهي معاه مفيش حاجه بتهدي ناري غير دمها اللي شوفته مغرق الدنيا
هنا : و عملت ايه بعد كده.. هربت؟
فهد : لاء ماهربتش،،كلمت البوليس جه واتصلوا بأهلها وعرفتهم انها كانت بتخوني قالوا لازم الطب الشرعي يكشف عليها فضلت محبوس علي ذمه القضيه لغايه ما ثبتت الخيانه والمحامي طلعني على طول
هنا _تنظر له: كنت بتحبها صح؟
فهد _ بغضب: كنت بس ماكرهتش حد قدها، اللي جنني اني عملتلها كل حاجه هي عايزاها وبتتمناها… عارفه يعني ايه تفضلي تخوني وتكدبي وتضحكي علي اللي قدامك فتره طويله يعني مفيش قلب ولا شعور ولا رحمه…
هنا _تحضن فهد بشده : اول مره أشوفك بتتكلم بالمراره دي
فهد :عارفه انا حبيتك ليه يا هنا؟
هنا_تنظر بعينيه : ليه؟
فهد : عشان شوفتك وشوفت دموعك وانتي بتحافظي علي نفسك مني لمجرد انك مش متأكده من جوازنا أخلاقك وتربيتك مخلتكيش تفرطي في نفسك بسهوله تحت اي ضغط كبرتي في نظري أوي وقولت مستحيل أقرب منها بالوحشيه دي تاني انا عارف اني وحش اوي وماكانش غصب عني اني اشتغل الشغلانه دي بس انا مابقتلش ولا حابب اخد ارواح الناس بدم بارد انا كنت بلاقي صرفه للي مش عارف يتصرف ولا ياخد حقه…
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
