٥
يدخل فهد الفيلا ويمسك هنا من ذراعها ويدفعها علي الأريكه ثم يقفل باب الفيلا بالمفتاح وينظر لها بغضب
فهد _بصوت عالي : بعد كده لو ابوكي بيموت ما اسمعكيش تقوليلي اروحله
هنا :بعد الشر عليه بابا ماعملش حاجه اصلا وانت سمعت بنفسك في المستشفى البوليس كان بيدور علي مين
فهد :انا مش هحط نفسي في الموقف دا تاني الدنيا اتقلبت في ثواني
هنا : انت ليه مش عايز تفهم انه ماغلطش دا كان بيدافع عن الناس مش زيك انت واللي مشغلك
فهد_بغيظ : عارفه اكتر حاجه ندمت عليها هي ايه؟
هنا : ايه ؟
فهد _يقترب منها: اني مقتلتكيش انتي وأبوكي اللي فرحانه بيه ده
هنا :للدرجادي بتكره اللي بيقول الحق
فهد _بعصبيه : ادخلي الأوضه ما شوفش وشك فاهمه
هنا : انت اللي عايز تشوف وشي مش انا
فهد _بغضب شديد : ادخلي جوه ** ذهبت هنا للغرفه وتركت فهد في غيظه وغضبه… بينما يرن هاتفه فيرد
فهد : الو..
صادق : حماك عامل ايه؟
فهد : كويس
صادق : قهرته علي بنته بانت عليه
فهد : هيموت عشانها
صادق : اول جلسه ل رشيد بكره مش عايز اي شوشره
فهد :ماتقلقش
صادق : قدها يا فهد؟
فهد _بثقه :قدها
** ليلا يدخل فهد ل هنا التي تجلس علي كرسي بالبلكونه فيقفل الباب بالمفتاح
هنا ل نفسها : بني آدم مش طبيعي
فهد :ادخلي جوه
هنا : كل شويه ادخلي جوه انا عايزه اقعد هنا
فهد : الجو برد
هنا _بإستهزاء: خايف عليا أوي
فهد :لاء طبعا بس مش عايز يحصلك حاجه اتعطل بيها عن شغلي ووقتي،، قومي يلا
**دخلت هنا وقفلت باب البلكونه
هنا : يعني الفيلا فيها كذا أوضه احنا نايمين في اوضه واحده ليه؟
فهد :عشان ما ينفعش تبقي بعيد عن عيني
هنا :هعمل ايه يعني؟
فهد : ممكن تهربي انتي وأبوكي وهضطر الف عليكم لغايه ما اعرف طريقكم وساعتها هقتلكم وانا في غايه السعاده
هنا :انت عمرك ما هتبقي سعيد في حياتك طول ما فيه ناس كرهاك
فهد _ ببرود : رأيك أحتفظي بيه ل نفسك تصبحي علي خير
أنت تقرأ
نصيب الفهد ل صفيه صالح
De Todoلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
