٤٠
**يجلس حراس الفيلا يتناولون الطعام بحديقه الفيلا .. ويقف ماجد عند البوابه مكانهم ينظر هنا وهناك بتوتر فتخرج حنين من الفيلا وتذهب له
حنين : مالك يا ماجد؟ حساك متغير بتفكر في إيه؟
ماجد : قلقان علي فهد وهنا الجو مش أمان لسه وتليفونه مش بيرد
حنين : ربنا يجيبهم بالسلامه
ماجد : يارب مش عايز حاجه غير انكم تبقوا كويسين والله
حنين _لنفسها : يخربيت حنيتك علي الناس اللي بتحبهم.. قوليله بقي يا حنين وفرحي قلبه الطيب الجميل دا
حنين : ماجد انا عايزه أقولك علي حاجه مهمه
ماجد : مش دلوقتي يا حنين انا مش رايق خالص معلش
حنين : بس انا كنت مخبيه عليك حاجه وعايزه أقولك عليها دلوقتي
ماجد _بجديه : مخبيه إيه؟
حنين : بص انت لما طلبت مني الجواز كنت خايفه لأكون صعبانه عليك عشان مابقاش ليا حد ولما سألتني عن علاقتي ب سلمان كنت عايزه أعرف انك بتحبني بجد ولا لا…
ماجد : مش فاهم؟ بتختبريني يعني؟
حنين : بصراحه اه كنت بختبرك لكن لما إتأكدت انك بتحبني بجد قررت أعترفلك إن ..
ماجد _يقاطعها : قولي يا حنين بسرعه الله يخليكي
حنين : إن مفيش حاجة حصلت بيني وبين سلمان انا محدش لمسني.. انا زي ما انا
ماجد _يبتسم : انتي زي ما انتي في نظري ياحنين غاليه ومكانك في قلبي ما أتهزش من يوم ماحبيتك
حنين : بحبك أوي يا ماجد
** حضن ماجد حنين ولف بها فنظر لهم الحراس وضحكوا فخجلت حنين وإصتنع ماجد الجديه وقال لهم بصوت عالي
ماجد : بصوا في أكلكم وخلصوا
** ضحك الحراس وأكملوا أكلهم فنظر ماجد ل حنين وأمسك خدودها برفق
ماجد _بغيظ : عاجبك كده عمايل المراهقين دي قدام الضلف اللي هناك دول ماكنت قدامك ماقولتيش ليه؟
حنين_تضحك : الله قولت أهديك وأفرحك بدل التوتر اللي قافشك دا.. عموماََ هدخل أكلم هنا أطمن عليهم وأطمنك
ماجد : ماشي يا حبيبتي
** ينزل فهد من السياره وينزل الشخص الآخر من السياره التي وقفت أمامه فرأي فهد إنه أسعد بعدما إنخفض ضوء السياره
فهد : لزومه إيه جو الساسبنس ده؟
أسعد : لما تعرف الموضوع اللي عايزك فيه هتقدر
** تنزل هنا من السياره وتنادي علي فهد فإقترب منها وطمنها
فهد : ارجعي مكانك وماتقلقيش
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔