٣٨
** يخرج إسماعيل من شقه هاشم ويسلم عليه بعدما أعطاه الملف ليعيد فتحه من أول وجديد ويقفل الباب خلفه فتخرج عفاف من غرفتها
عفاف : الحمد لله ان الراجل مش قاصد شر
هاشم : الغريب ان فهد يعمل كده
عفاف : يمكن هيتغير بجد ويرد للناس حقوقهم
** وهنا يتذكر هاشم الملف الذي أعطاه له فهد قبل ان يذهب ل سلمان فذهب لخزنته خلف اللوحه المعلقه علي الحائط وأخرج الملف وكانت عفاف تنظر له بتعجب ولا تعرف ما يفكر به..
هاشم : لازم دا كمان يرجع ل صاحبه
عفاف : مين صاحبه؟
هاشم : فهد اللي بقيت محتار في أمره.. عفاف ممكن فنجان قهوة؟
عفاف_ تبتسم : عنيا هعملك أحلي فنجان قهوة
** تدخل عفاف المطبخ ويفتح هاشم الملف ويقرأ ما به ويتعجب كثيراََ من وصيه فهد..
** ينتهي الدكتور من الكشف علي هنا التي ظهر عليها وعلي فهد التوتر وساعدتها الممرضه في تعديل ملابسها وجلست هنا وفهد أمام الدكتور بإهتمام
فهد : خير يا دكتور طمنا
الدكتور : للأسف بطانه الرحم ضعيفه وغير قادره علي تحمل الحمل
فهد _ بذهول : يعني إيه؟
الدكتور : يعني لاقدر الله ممكن الحمل ينزل في اي وقت
هنا _ بحزن : كنت خايفه من كده وبكدب نفسي المشكله دي كانت عند والدتي
** يلتفت فهد ل هنا ويمسك يدها فيقول الدكتور
الدكتور : هي وراثيه في بعض الحالات بس مش مشكله صعبه واللي يثبتها انك من بطانه رحم ضعيفه انا بس حبيت أعرفكم الحاله لكن ممكن بالعلاج والأكل والراحه التامه الحمل يستقر
فهد _يتنهد : قلقتنا يا دكتور
الدكتور : بقلقكم عشان لازم تخلوا بالكم كويس لا حركه ولا إهمال في تغذيه والأهم الراحه النفسيه لأن التوتر والغضب بيأثر جداََ ،، يعني ماتزعلهاش من دلوقتي للولاده بسلام إن شاءالله
فهد _ ينظر ل هنا بحب: مش هزعلها من دلوقتي لآخر العمر
**تنزل دموع هنا وتنظر للدكتور وتقول له بحزن شديد
هنا : يعني اذا ولدت المره دي هيبقي صعب يحصل حمل تاني؟
الدكتور : ممكن يحصل حمل تاني؛؛ بس برضه هيبقي بنفس التحذيرات وان شاء الله تقومي بالسلامة
**ينظر فهد ل هنا ويبتسم ويربت علي يدها ويقبلها بينما يكتب الدكتور لها علاجها ويلقي عليها تعليماته التي إنتبهت لها بحزن ودموع..
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
