** يقف ماجد بالحديقه وينظر هنا وهناك فتخرج حنين ومعها كوب شاي وتقدمه له
ماجد _يبتسم : تسلم إيدك
حنين : اي خدمه
ماجد : هنا عامله ايه دلوقتي؟
حنين : مش عارفه يا ماجد حاسه ان في حاجه مخبياها وقلقانه منها من ساعه ما رجعت مش طبيعيه
ماجد : تفتكري يكون اسماعيل او أخته عملولها حاجه أو خوفوها بحاجه
حنين : مش عارفه بس تخاف من إيه وفهد معاها؟ انا بحس ان وجود فهد فعلاً أمان
ماجد _بهدوء : وجود فهد بس؟
حنين :ووجودك انت كمان
ماجد _بتصنع الزعل : خلاص بقي ما انتي قولتي اللي حاسه بيه
حنين : لو قولت اللي حاسه بيه يا ماجد هقول كتير والصراحه مش وقته انت شايف الظروف
ماجد : ليه مش وقته؟
حنين : انا عارفه انك بتخاف عليا وإهتمامك بيا فارق جداََ في حياتي ومهما شوفت مش هلاقي أجدع منك بس ممكن تكون مشاعرك دي عشان صعبانه عليك من اللي حصل لماما وسيلين الله يرحمهم
**يمسك ماجد يد حنين فتنظر له بحب وخجل
ماجد : حنين انا مش عايز غير انك تبقي بخير… لو وافقتي اننا نرتبط هنبدأ انا وانتي حياه تانيه
** تبتسم حنين وتدمع عينيها فمشاعرها تحركت منذ ان رأت خوف ماجد عليها في مواقف كثيره وحست منه بإهتمام وحب حقيقي كانت تبحث عنه لتطمئن وتستقر وتعيش حياه هادئه كباقي الفتايات..
**يقبل ماجد رأس حنين ويبتسم لكنه يلتفت نحو سياره أجره تقف عند البوابه فيتابع من ينزل منها يري حميد يدخل من البوابه فيذهب له وورائه حنين ويذهل من منظره فالجروح والكدمات تملأ وجهه ويقع علي الأرض فتصرخ حنين ويحاول ماجد والحراس رفعه ووضعه علي كرسي فينظر حميد ل ماجد بأسي وحزن
ماجد : مين عمل فيك كده؟
حميد _يتكلم ببطئ : صادق
ماجد : وعمل معاك كده ليه؟ وفهد فين هو مش عنده ؟
**يصمت حميد ويسعل ثم يخرج من فمه بعض الدماء ويرتخي جسده ويعرق جبينه فيسنده ماجد
حنين : اطلب الدكتور يا ماجد
** تخرج هنا من الفيلا فتري حنين وماجد حول حميد وتري منظره فتذهب لهم بسرعه ويتصل ماجد ب فهد لم يرد عليه
هنا : في ايه ماله حميد؟
حنين : تعبان اوي
ماجد : فهد مش بيرد ولازم أنقله المستشفى حالاََ ومش هينفع اسيبكم لوحدكم
هنا : ماتقلقش هنروح معاك انا وحنين
** رفع الحراس حميد ووضعوه بالسياره وأخذ ماجد هنا وحنين وركبوا معه وذهبوا للمستشفي
** في الطريق يقود فهد سيارته بغضب شديد ويتذكر كلام صادق فيرن تليفونه ويري اسم هنا فيرد
فهد : الو
هنا : انت فين؟
فهد : جاي
هنا : احنا في المستشفى
فهد _بلهفه : انتي كويسه؟
هنا : اه كويسه حميد هو اللي تعبان والدكاتره بيفحصوه
فهد _يتنهد : طيب انا جاي لكم انتوا في مستشفى ايه؟
** تقف هنا وحنين أمام باب غرفه حميد بالمستشفي ويقف ماجد مع الدكتور ويحزن من كلامه عن حاله حميد ثم يأتي فهد ويراهم ويذهب لهم
فهد _ لماجد : ايه الأخبار؟
ماجد : عنده نزيف داخلي الدكتور بيقول لازم يدخل عمليات
فهد _للدكتور : شوف اللازم يا دكتور وأعمله بأسرع وقت
الدكتور _ببرود : تمام هنبتدي نحضر غرفه العمليات وناخد التحاليل وياريت حضرتك تدفع مبلغ تحت الحساب عشان نعرف نشوف شغلنا
**نظر فهد للدكتور بغضب وإستهزاء وقال
فهد _بتحذير : اكيد مش جايين هنا نهزر وعايزكم ماتشوفوش شغلكم عشان أعرفه لكم
** التفت بعض الممرضين والدكاتره المارين بجانب فهد له واقتربت هنا وحنين منه ونظروا للدكتور الذي خجل وصدم من رد فعل فهد العنيف علي هزاره معه وذهب من أمامه
هنا : أهدي يا فهد
حنين : معلش هو كان بيهزر
فهد : وهو دا وقت سخافه
ماجد : حصل خير
فهد _ لماجد بحده : خير إيه؟ انت أزاي تجيب هنا وحنين معاك المستشفي هي رحله
ماجد : طب كنت هعمل ايه لاعارف اسيبهم ولا عارف أسيب حميد وكلمتك ماردتش
فهد : كنت تبعته مع اي حد رجالتنا كتير يا ماجد
هنا _ل فهد : مالك يا فهد في حاجه حصلت؟
فهد _ بغضب : هيحصل ايه اكتر من الاستهتار اللي احنا فيه
ماجد _بإستياء : معلش يا فهد ماتزعلش انا غلطان
فهد : هنعمل كل مصيبه ومصيبه ونقول معلش
حنين : احنا كويسين قدامك اهو اهدي بقي
**جلس فهد علي كرسي ونظر ماجد ل هنا وحنين بتعجب من حاله فهد فجلست هنا بجانبه
هنا : انت شكلك مش كويس صادق قالك حاجه؟
فهد : لاء مقالش انا كويس
** نظرت هنا ل فهد وحست بإنه يكذب عليها
فهد_ لنفسه : هقولك إيه بس عن اللي قاله وعن اللي عايز يعمله لو مانفذتش طلبه..
هنا _لنفسها : مهما كدبت عينيك بتقول انك مش كويس وعمرك ماهتبقي كويس غير لما صادق يختفي من حياتك…
**ينظر ماجد ل فهد وعندما تلاقت عينيهم قالوا الكثير فهما يفهمان بعضهما وكأنهم شخصاً واحد
ماجد _لنفسه : ورطك في ايه تاني؟ انا عارفه.. يموت ولا يسيبك تبعد عنه دانت ابنه اللي جاله بعد صبر وشوقه.
فهد _لنفسه : هتسندني يا ماجد انا عارف مش هتسيبني..
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
