٣٣
** بأحد الكافيهات يجلس ماجد وامامه حنين يشربون القهوه و يظهر علي حنين الحزن لمفارقه هنا
ماجد : ماتزعليش مش هخلي فهد يسيبها كتير عند ابوها
حنين : ياريت يا ماجد عشان وجود هنا معوضني كتير عن سيلين الله يرحمها
ماجد : ان شاء الله مش هطول،، في موضوع عايز أكلمك فيه بس متردد و ياريت ما تفهمنيش غلط
حنين : قول يا ماجد ماتقلقش
ماجد : كنت عايز أعرف علاقتك كانت واصله لفين مع سلمان
حنين _بتوتر : سلمان؟!
ماجد : الأهم من جوابك عليا تكوني صريحه ولازم تبقي عارفه أني مش هدايق من اي حاجه من ماضيكي حتي لو كانت غلط
حنين : متأكد؟
ماجد _بثقه : متأكد
حنين _ بخجل : انا عارفه اني كنت لازم أقولك قبل ماتسأل بس كنت قلقانه أحكيلك و الحقيقه إن كان فيه علاقه بيني وبينه
**نظر ماجد ل حنين ولكنه لم يصدم من كلامها و قرب يده من يدها التي ظهر عليها التوتر وربت عليها
ماجد : كملي يا حنين
حنين : أكمل إيه؟
ماجد : أحكيلي اتعرفتي عليه إزاي و إمتي
حنين : بعد موت سيلين ورؤوف كنا في النيابه عشان نعرف إيه مصير فهد من قتلها وعرفنا ان المحامي طلعه براءة عشان دفاع عن الشرف سلمان وقتها فضل يزعق ويصرخ ويهدده انه مش هيسيبه وعرفت ان دا ابو رؤوف اللي خان فهد ولما لقيت ماما ساكته وشايفه ان فهد علي حق إتغظت وروحت ل سلمان وقولتله اني مستعده أعمل اي حاجة بس يساعدني إني أجيب حق أختي من فهد
**صمتت حنين ونظرت ل ماجد بخجل ولكنه أمسك يدها بشده فأكملت حديثها بإطمئنان
حنين : واتفقنا فعلاً لغايه ماخلي فهد ييجي الفيلا والباقي انت عارفه ولما خوفت وأعترفت عليا وعليه وقت التحقيق قطع علاقته بيا خالص ومن ساعتها والله لاشوفته ولا اعرف عنه حاجه
ماجد : مصدقك
حنين _بحزن : انت أكيد زعلت من جواك و لو عايز ترجع في موضوع الجواز انا مش..
ماجد _يقاطعها : انا مش هلاقي زيك يا حنين انتي اللي قلبي إختارك من زمان ومش هسيبك مهما يحصل.. انا عارف ان سيلين أثرت فيكي كتير كانت مخلياكي شايفه الحريه غلط
حنين_بأسف : كانت مدلعاني أوي ومابترفضليش طلب لقيت فلوس ولبس وحريه خلت طريقي يتعوج بس صدقني انا عايزه أكون أحسن ومش عايزه دلع تاني
ماجد _يبتسم : لا هتدلعي بس بإسلوب تاني أحلي وأجمل وعايزك من دلوقتي توعديني ماتخبيش عني أي حاجه لو حد بصلك او اتكلم كلمه معاكي قوليلي علي طول
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
