** ينشغل فهد ب رقيه وحنين وإنتقالهم من شقه لأخري وتري هنا اتصالات حنين المتتاليه به وخروجه معها مما جعلها تحس بمشاعر غيره عليه منها …
** وفجراََ تقف هنا بغرفتها وتنظر نحو الشباك منتظره قدوم فهد الذي عندما رأت سيارته جلست علي الأريكه تحاول تهدأت نفسها حتي دخل لها..
فهد : مساء الخير
هنا _تقف : قصدك صباح الخير فاضل ساعتين علي النهار
فهد _بتعجب :مالك يا هنا؟
هنا _بغضب: مالي يعني
فهد : شكلك متعصبه اوي
هنا : شايفني بشد في شعري؟
فهد : اتكلمي كويس
هنا _بغيظ : خلاص ما تسألنيش
** قبل ان تبعد هنا عن فهد يمسك يدها بحنيه فتنظر له وتهدأ
فهد : انتي زعلانه مني؟
هنا _بتردد :مين حنين دي؟ اللي كل شويه تكلمك وتنزل تقابلها
فهد _ بجديه : بتسألي ليه؟
هنا : عايزه أعرف مين دي
فهد : واحده معرفه
هنا : والمعرفه ترجع من عندها ٣الفجر؟
فهد _بتعجب : انتي شاغله نفسك ليه؟ الموضوع دا مايخصكيش
هنا : يعني ينفع انا انزل أقابل كريم مثلاً وأرجعلك الفجر وأقولك مايخصكش اصله معرفه
فهد _يمسك ذراعها بشده : أقتلك
هنا _بتحدي: يبقي لازم انا كمان أقتلك
**يترك فهد ذراع هنا متعجبا من ردها، فتمسك مكان يده تدلكها فيهدأ قليلاً ثم يضع يده بحنيه علي ذراعها
فهد : مقصدش أوجعك
هنا : أتعودت علي الوجع خلاص
فهد : بس انا لسه ما تعودتش علي قلبك الجامد دا عايزه تقتليني يا هنا ؟
هنا : المفروض اننا ما نخونش بعض
فهد : نخون بعض؟
هنا : ايوه انت جوزي وانا مراتك لا تخوني ولا أخونك
فهد _يبتسم : اول مره تقولي مراتك كنتي مش معترفه بالجواز دا من فتره
هنا_بتردد : كنت بقولك كده عشان…
فهد : عشان إيه؟
هنا : عشان يعني.. مكنتش متأكده لكن سألت وعرفت اني نيتي أحافظ علي بابا فجوازنا فعلا رسمي وحلال
فهد _ بخبث : لكن انا لما سألت قالولي لو انتي مغصوبه علي الجواز يبقي مش حلال
هنا _ بغيظ : خلاص نكتب الكتاب من أول وجديد
أنت تقرأ
نصيب الفهد ل صفيه صالح
Randomلم تكن تعلم ان حياتها الورديه تتحطم يوماََ ما علي يد رجلاََ قاسي القلب يتزوجها غصباََ تحت تهديد السلاح ويسلب منها ماتتمناه كل فتاه وهو اختيار شريك حياتها 💔
