Your Place Or Mine? BOOK VERSION (PUBLISHED BY VIVA PSICOM)

Chapter 60: When All Else Fails....

HALEY'S POV

Nakita mo ba 'yung hairbrush ko?"

Gulat na gulat si Russell nang makita akong nakatayo sa pinto ng banyo.

"Wooah! Can you knock?!" natatawang sabi nito pero bakas sa mukha niya ang matinding gulat. Nakatayo ito at nakaharap sa toilet bowl, doing his private thing.

"Knock? Sana nag-lolock ka ng pinto," sagot ko sabay talikod. Hindi ko maitago ang inis sa tono ko.

"I don't lock this door and you know that," sagot nito habang palabas ng banyo. "At hindi ka naman basta-basta pumapasok sa banyo kapag nasa loob ako. And you barged in just because of hairbrush?" Hindi makapaniwala ito.

Wait lang. Did he say, "just a hairbrush?"

"Nilalang mo ang hairbrush ko? Alam mo namang 'yon lang ang ginagamit ko ngayon," nakapameywang ko siyang hinarap.

Ngumiti ito at naiiling. "You can use another one. Ayan oh. May tatlo ka pa nga dito," nakaturo ito sa dresser.

Inirapan ko siya at sumalampak ako ng upo sa kama. "Gusto ko 'yon kasi malambot. Hindi masakit sa anit. Hindi ko na nga ginagamit 'yang mga yan," nakasimangot kong sagot.

Hahanapin ko ba 'yon kung may magagamit ako? Nakakainis siya.

Lumapit siya at umupo siya sa tabi ko. "Fine, bibili na lang ulit tayo ng bago. Saan mo ba binili 'yon?" lambing nito.

"Sa Spain ko binili 'yon," nakasimangot pa rin ako.

Tumawa siya. At tiningnan ko siya nang masama. He's been so annoying these past few days. Hindi ko alam kung bakit.

"Anong nakakatawa?" tanong ko sa kanya.

Nagulat siya sa seryosong expression ng mukha ko. Nawala ang ngiti sa labi nito.

"Wala naman. Sige, maghahanap ako online ng similar na brush. Wag ka nang magalit." Yumakap siya sabay halik sa gilid ng tenga ko. He was shocked when I pushed him too hard.

"Hindi ka pa nagshe-shave," reklamo ko sabay haplos sa part na hinalikan niya.

Hindi naman ito makati, pero hindi ko gusto ang pakiramdam ng magaspang na bigote niya sa balat ko. Naiirita ako.

Napahawak din siya sa gilid ng labi niya. "Hindi naman ah. Tsaka, sabi mo dati mas gusto mo kapag hindi pa ako nagshe-shave. Especially when I kiss you down –"

Hindi ko pinatapos ang sasabihin niya. Hinampas ko siya ng unan.

"Aray!" reklamo nito at pilit hinuhuli ang mga kamay ko para pigilan ako sa susunod na hampas ko sa kanya.

Nang-aasar na naman siya. It's one of our intimate moments. Nakakahiya mang aminin, oo, sinabi ko sa kanya na gusto ko kapag hindi pa siya nakapag-shave. I love the feeling of his stubbles when he kissed my body.

Actually I love everything about him, mag-shave man siya o hindi. But these past few days, naiinis ako sa kanya. Lalo na kapag tinatawanan niya ako. O kaya kapag lagi siyang nakabuntot kahit nasaan man ako magpunta. Kapag nanood ako ng TV sa sala, sisiksik siya kung saan ako nakaupo. O kaya kapag natutulog ako, nakasikisik 'yung mukha niya sa leeg ko. Nakakairita na minsan.

Minsan naman, kapag nagigising ako at nakikita ko ang mukha niya, pinipisil ko ang ilong niya hanggang sa magising ito. Pero never naman siyang nagalit. He's been very patient with me sa mga mood swings ko. At ang mas nakakainis pa, tinatawanan lang niya ako at parang tuwang-tuwa pa siya na naiinis ako. Kagaya ngayon. Hinampas ko na, tumatawa pa.