Your Place Or Mine? BOOK VERSION (PUBLISHED BY VIVA PSICOM)

Chapter 55: The Other Woman

HALEY'S POV

"Haley –" Si Micah.

Sumunod pala ito paglabas ko. Mukhang importante ang sasabihin nito kasi lumabas siyang walang pakialam sa hitsura niya.

"Kung bibigyan mo akong ilang minuto sasabihin ko sa'yo lahat ng alam ko," seryosong sabi nito.

Kinabahan ako sa sinabi niya. Nakaramdam ako ng takot pero buo na ang loob ko. Tumango ako at bumalik ako sa loob. Umupo siya sa tapat ko. Wala ng atrasan 'to. Kailangan kong magpakatatag sa mga malalaman ko. Ayokong nang maging paranoid.

Tumingin muna sa akin si Micah bago nagsalita. Parang tinatantya nito kung ready na ba ako sa mga malalaman ko.

"Transferee si Kirsten from all-girl school. Isa siyang Tourism student. Second year siya, third year naman kami. Nagkakilala sila ni Russell I think sa isang school charity event," simula nito.

Magkasing edad kami kung ganon.

"After that, madalas na silang magkasama. They started dating after two weeks. Actually, hindi naman talaga siya niligawan ni Russell."

Hindi rin siya niligawan. Just like me. What we had was even worse. I slept with him that same night we met. And I didn't even know his name.

"Hindi ko siya gusto para kay Russell. At alam kong ganon din siya. She's fake. Mabait siya sa akin kapag nakaharap si Russell. Masyadong selosa at possesive. At ayaw niyang may lumalapit kay Russell na mga babae. Minsan inaaway at sinusugod niya ang mga nagkakagusto kay Russell."

Possesive? Ganon ba ako? Masyado ba akong nagiging demanding sa oras ni Russell? Wala naman akong inaway na babaeng involved sa kanya. Ako pa nga ang inaway ni Camille noon.

"Gusto niya kasi lagi silang magkasama. Hanggang sa mawalan ng oras si Russell sa ibang bagay. She was the reason why Russell gave up being the captain of the soccer team. Ayaw ni Russell na pag-awayan pa nila ito. Nalungkot ako noon kasi ito ang pinangarap ni Russell."

He gave up being a captain? Parang si Vince. Siya pala ang dahilan. He must be really devastated like Vince.

"Napaka-selfish niya. Even his toy collecting hobby, pinagdiskitahan niya. Hindi niya masakyan ang hobby ni Russell. She found it weird and creepy. One time, she planned on throwing them all and Russell got so furious. Muntik ng ma-pick up ng truck. Those are some of his priced possessions. Most of those were bought in the US and Japan. Pero syempre, mas importante pa rin si Kirtsen at hindi pa rin niya ito mahiwalayan."

Kaya pala. Natuwa si Russell nung malaman niyang I collect action figures, too. Kaya pala sinabi niya na bihira ang babaeng nakaka-appreciate ng ganong hobby. Ibig sabihin, naalala pa rin niya ang babae nung time na 'yon.

"Dumating sa point na hindi kami nag-usap ng ilang buwan ni Russell dahil nagseselos siya sa closeness namin. Kaya iniwasan ako ni Russell. At umiwas na rin ako."

"One time, I was invited by Tita Cecille. At tinanong ako kung may kinalolokohan daw ba itong babae. I wondered why she asked. At kinalolokohang babae pa talaga ang ginamit niyang term. Russell has four credit cards, and all four have enormous monthly bills. And when his Mom mentioned when this bad spending habit started, it was when he started dating Kirsten."

Kirsten. I hate that name.

"Hindi lang 'yon. He's getting large amount of cash based from company's cash vouchers. She just wanted to know kung saan daw dinadala ni Russell ang pera. She asked me, kasi ayaw daw niyang komprontahin si Russell at baka isipin nito na hinigpitan siya sa pera. Lolobo talaga ang bill ng card niya kasi halos everyday may regalo sa kanya si Russell. At madalas ding magpabili ng kung anu-ano. She's taking advantage of him pero ayokong makialam. But when he planned on getting her a car, inawat ko siya. Nahirapan daw kasing mag-commute si babae. Mabuti na lang nabola ko si Russell. Sabi ko sa kanya, mas sweet kapag hatid-sundo siya, at mas marami pa silang time na magkasama. I wasn't sure kung naniwala si kamote. Or baka na-realized din niya na it was too much."