Unicode&Zawgyi
(Unicode)
ဝမ်ရိပေါ်၏ နှုတ်ခမ်းပါးက ထွက်ကျလာသော စကားတို့က နာကျင်မှုတို့ ထင်ဟပ်နေသည်။
ရှောင်းကျန့် သူသည်လည်း ဝမ်ရိပေါ် ၏ စကားထဲက နာကျင်မှုကို ခံစားမိပါသည်။
သူသည်လည်း ထိုနာကျင်မှုထက်မလျော့သော နာကျင်မှုကို ရင်ဝယ်ပိုက်မိထားသည်ပင်။
"ကိုကို လူမမှားပါဘူး...."
ထွက်ခွာနေခဲ့သည့် ကျောပြင်ငယ်လေးက အနည်းငယ်ရပ်တန့်သွား၏။
"အခြားသူကိုသာ မှားရင်မှားမယ် အခြားသူကိုသာ မေ့ချင်မေ့မယ်... ကိုကို့ရဲ့ နှလုံးသားကိုတော့ ကိုကို မမေ့ပါဘူး....ရိလေး...."
ထိုစကားအဆုံး ဝမ်ရိပေါ်မှာ အေးစက်မှုန်မှိုင်းမှုအပြည့်ဖြင့် ရှောင်းကျန့်ထံ လှည့်ကြည့်လာသည်။
"ကျွတ်စ်...ခင်ဗျား က စိတ်အနှောင့်အယှက် ပေးလိုက်တာ....လူမှားတယ်ဆို မှားတယ်ပေါ့....ဘာတွေကို မေ့တာ တွေ မမေ့တာတွေလုပ်နေတာလဲ..."
"ရိလေး... ကိုကို တောင်းပန်ပါတယ်.... "
"ဒီက အစ်ကို လွဲနေပြီ....ကျွန်တော်နဲ့ ခင်ဗျား က လူစိမ်းတွေဘဲ....တောင်းပန်စရာ အကြောင်းရှိလို့လား...."
ဝမ်ရိပေါ် ၏ မျက်နှာတွင် ခံစားချက်တို့ ရှင်းလင်းနေသည် ။
အမှန်တကယ် ရင်းနှီးသိရှိခဲ့ခြင်းမရှိပါသည့်
လူတစ်ယောက်ကို စကားပြောနေသည့်အလား။
"ကိုကို....မဟုတ်ခဲ့ဘူး..."
ရှောင်းကျန့် အစက ထိုအခြင်းအရာကို ပြောရန် မရည်ရွယ်ခဲ့ပါပေ။ သက်သေ အထင်အရှားရမှာသာ ပြောလိုခဲ့သည်။ သို့သော် ယခုတစ်ခါတော့မတူတော့ပြီပင်။ သူ့ချစ်ရသူ၏ အရိပ်လေးဖြစ်ဖြစ် အမိဖမ်းထားနိုင်ဖို့ ပြောရန်သာဆုံးဖြတ်လိုက်သည်။
"....."
"ဦးလေးကို ကားနဲ့တိုက်တာ ကိုကို မဟုတ်ခဲ့ဘူး ဆိုရင်ရော...."
ဝမ်ရိပေါ် ၏ တည်တင်းနေသည့် မျက်နှာက အနည်းငယ် ပျက်ယွင်းသွားသည်။
"မဟုတ်ခဲ့ဘူး...ဒါဘာကို ဆိုလိုတာလဲ.."
"ကိုကို ချောက်ချ ခံခဲ့ရတာ...."
VOCÊ ESTÁ LENDO
ကြင်နာသူသို့လွှမ်းခြုံမိသော အမုန်းတစ်လွှာ~(completed)
Fanficအရမ်းချစ်ကြတဲ့ ချစ်သူနှစ်ယောက်ဟာ ကံကြမ္မာ လှည့်ကွက်ကြောင့် အထင်လွဲမှုတွေ ဖြစ်တည်လာခဲ့တဲ့အခါမှာ... အရမ္းခ်စ္ၾကတဲ့ ခ်စ္သူႏွစ္ေယာက္ဟာ ကံၾကမၼာ လွည့္ကြက္ေၾကာင့္ အထင္လြဲမႈေတြ ျဖစ္တည္လာခဲ့တဲ့အခါမွာ... Zhanyi FanFic Starting date:10 February 2020 Ending d...
