Alam ko namang umalis na siya, pero hindi man lang siya nag-text kung nakaalis na nga siya. Tinitingnan ko lagi ang Facebook niya kung may bago siyang update, pero wala siyang bagong post. Ang huling post pa niya ay lyrics ng "Bye Bye Na" ni Rico Blanco, isang linggo bago ang padespedida niya.
Hindi ko naman akalain na walang communication involved ang "Kaya mo bang maghintay?" Sinubukan kong mag-message, at araw-araw kong tinitingnan kung nag-seen na ba siya, pero wala.
Chi: Jet
Chi: Nagmessage ba sayo si Gab?
Jet: Wala
Jet: Wala siyang dalang phone papunta don. Laptop lang.
Chi: Okay. Pero as in kahit sa fb wala?
Jet: Wala yata
Jet: Sabihin ko sayo kung meron
Jet: Ano na ba kayo non? Kayo na?
Chi: Di ko nga rin alam e. Parang may mutual understanding pero ewan.
Chi: Sabi niya maghintay ako e. E di wait lang.
Jet: Labo niya. Bakit di ka na lang sa malinaw
Chi: Siya lang naman malinaw :))) chos
Jet: Hahahahaha minsan talaga sarap maghukay ng libingan e
Chi: Grabe ka sa kapatid mo.
Jet: Di naman para sa kanya
Jet: Musta pala summer classes?
Chi: Ay para sa kin pala :))
Chi: Okay lang. :) Sana normal lang ang 6 units every sem. Parang ito talaga dapat ang okay na workload for students pero kebs pa rin sa utak
Jet: Hindi rin
Jet: Oo nga
Chi: Ano?? Ang gulo mo. :))
Chi: Ikaw musta summer class
Jet: Di ako nagsummer. Ikaw lang naman masipag na magsummer classes dito
Chi: Di ka kasi madedelay kung hindi hmphhh
Jet: Di ka rin naman madedelay ah
Jet: Ayaw mo lang na may kasabayan practicum
Chi: Lam mo im deciding na maglielow muna sa org.
Chi: Tingin ko... kailangan ko muna ng space.
Jet: Sa kin ba? Haha.
Chi: Luh hindi. Sa tao mismo.
Chi: Papaka cave woman muna ako.
Jet: Space AT time. Sa physics, hindi mo mapaghihiwalay ang space... at time. Ganon din sa totoong buhay.
Jet: So ibig sabihin di kita makikita?
Chi: Minsan naman siguro dadalaw. Tulungan ko sina mama. Mag part time ako
Chi: Concentrate muna sa studies.
Jet: Sige. Text mo lang ako kung kailangan mo ako
Napatitig ako sa message niya: Text mo lang ako kung kailangan mo ako. Tapos bigla kong naalala ang mga huli niyang sinabi no'ng huli kaming nagkita: Hindi kita bibitawan.
